Efesus 6:13 - Kaili Ledo

¹³ Sabana haitu, pakemo pura-pura pareva posieva nidekei nu Alatala ala rapakulemiu mombatidamaka peeva nu balimiu ri tempo posieva ntamo, sampe komiu da bate-batena meangga maroso maupu posieva haitu.

Efesus 6:13 ပူးပေါင်းရင်းမြစ်များ

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Lukas 8:13

Savua nanavu ri tana navatu, nirapaka tona nangepe Tesa nu Alatala bo nitarimara nte damba rara. Tapi ledo naroso pomparasayara, nasimbayu nte tuda-tuda ledo naroso pokalena. Tempo ira nipesori, nouramo rarara bo domo nomparasaya.

Roma 13:12

Nasaemo bongina, naparamo maeo. Jadi sia sampe kita kana mombakabasaka pokainggu nadaa nipovia ntona natuvu ri kalandana, bo mompake pareva posieva anu masipato ka tona natuvu riara karemena.

2 Korintus 10:4

Kami ledo nangeva ante pompakule nu manusia biasa. Tapi kami nangeva ante pompakule nidekei nu Alatala. Pompakule haitu nabaraka, jadi kami nompakule nombadagi nuapa-nuapa nangeva pepatuduki nakana. Kami namala nirapaka tantara anu nompakaropu kuasa nu balira nau bara berimba karosona.

Efesus 5:16

Pakemo loga naria nte komiu movia anu nabelo, sabana tempo sii-sii pokainggu manusia nadaa mpuu.

Efesus 5:6

Jadi, nee komiu rabagiu ntona ante tesa-tesara anu ledo ria gunana, anu nanguli pokainggu ivehaitu ledo nasala. Toramo! Pokainggu ivehaitumo nompopeumba rau rara nu Alatala ka tona ledo natundu nte Ia.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Yakobus 4:7

Sampesuvu-sampesuvu, komiu kana matundu nte Alatala. Evasimo Magau nu Seta, bo malai ia lako nte komiu.

1 Petrus 4:1

Kristus mboto nombarasai kasusa bo kapari tempo Ia natuvu ri dunia hitu. Jadi haitumo sabana komiu muni kana mompakaroo raramiu ala masadia mombarasai kasusa bo kapari nasimbayu mpo Ia. Apa isema-sema nombarasai kasusa bo kapari ri karona mboto domo nadota novia dosa.

Pompakita 3:10

Komiu nangoseaka parentaKu anu nanguli pakaroo rara bo mosabara tempo nipandasa. Sabana haitu, Kusaliku komiu lako ri kasusa makava ri njumangu dunia mompesori tona nonturo ri dunia.

Pompakita 6:17

Apa nakavamo eo nipoviora rara manusia, tempo Alatala bo Ana Bimba mompopakita rau raraRa. Nau saitoa ledo maria mompakule mombatidamaka rapambela rau rara haitu!