Efesus 5:9 - Kaili Ledo

⁹ Apa inggu ntona anu natuvu ri karemena nabelo bo nanoa bo ia namala raparasaya.

Efesus 5:9 ပူးပေါင်းရင်းမြစ်များ

Matius 3:8

Ane mpuu-mpuu komiu najea lako ri dosamiu, popakitamo ante pokainggu nabelo.

Yohanes 1:47

Tempo i Yesus nanggita i Natanael nakava nte Ia, niulikaNa, “Peintamo! Hitumo saito toIsrael mpuu! Ledo ntoto naria katenggona.”

Roma 15:14

Sampesuvu-sampesuvuku, nisaniku mboto komiu batena nokainggu nabelo nte tona ntanina, bo nisanimiumo pura-pura anu masipato rapoviamiu, bo nipakulemiu mosipakaroso rara.

Roma 2:4

Alatala mpuu-mpuu nabelo raraNa, Ia nosabara, bo ledo nasalisa nombahuku dosa-dosamiu. Tapi nipandaentemiu kabelo raraNa. Ledo nisanimiu? Alatala nabelo nte komiu sabana Ia madota komiu majea lako ri dosamiu.

Efesus 4:15

Tapi kita kana mpuu-mpuu matuvu mangoseaka pepatuduki nakana bo kita kana mosimpotove. Ivesiamo mantambai karoso pomparasayata bo mantambai kanotota sampe kita majadi nasimbayu nte i Kristus. I Kristus haitu, nirapaka Balenggata

Efesus 4:25

Sampesuvu pura-pura, kita nipatuduki mokainggu manoa bo magasa, jadi tumo modava! Kita kana motesa makana ka sampesuvuta sampomparasaya apa kita pura-pura sipa nu karo i Kristus.

Efesus 6:14

Jadi, komiu kana masadia mombatidamaka peeva balimiu! Komiu kana matutu mangoseaka pepatuduki nakana. Haitumo sulepemiu. Komiu kana mokainggu manoa. Haitumo baju asemiu anu nombalenduti karomiu.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.

Kolose 3:18

Sampesuvu-sampesuvu mombine, pekoumo nte bereimiu langgai. Haitumo masipato ka mombine anu nomparasaya i Pue Yesus.

1 Timotius 6:11

Tapi iko batua nu Alatala. Nee mpuu mokainggu madaa ivehaitu! Pasimbukumo majadi tona nanoa ri panggita nu Alatala. Pasimbukumo matuvu mangoseaka dotaNa. Kana mupakaroso pomparasayamu, potovemo singgamanusiamu, tidamaka tempo nasusa, bo moinggu malusu.

Ibrani 1:8

Tapi niuliNa ka AnaNa ivei: “Ikomo Alatala, bo poparentaMu maroo sampe ri kasae-saena, Iko moparenta todeaMu ante rara nanoa.

Ibrani 11:33

Lako ri pomparasayara, sanu ira nombadagi magau-magau. Nipoviara dota nu Alatala jadi nitarimara anu nijanji nu Alatala ka ira. Sanu ira nombaramu nganga nu singa.

1 Yohanes 2:29

Nisanimiumo i Kristus batena nangoseaka dota nu Alatala. Sabana haitu kana rasanimiu muni, isema-sema nangoseaka dota nu Alatala, iamo ana nu Alatala.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.