Efesus 5:4 - Kaili Ledo

⁴ Ledo muni masipato komiu mosovadaka tesa-tesa nasuloka bara tesa-tesa ledo ria gunana bara kuvava-kuvava anu ledo masipato. Aginapa sumbamiu rapakemiu manguli tarima kasi ka Alatala.

Efesus 5:4 ပူးပေါင်းရင်းမြစ်များ

Markus 7:22

mobualo, madoko ka mbara-mbara, movia anu nadaa, mebagiu, majampa, masiriati, mesalai, malanga rara, bo metidoyo.

Yohanes 6:23

Naupu sia, nakavamo bara sakuya sakaya ntanina lako ri ngata Tiberias nesampo napara ponturo ntodea nangande roti naupu i Yesus nanguli tarima kasi nte Alatala.

Roma 1:28

Tona gahaitu ledo nadota mosisani ante Alatala. Jadi Alatala nompalamba ira rakeniaka mpekirira nadaa sampe ira novia anu ledo masipato rapoviara.

2 Korintus 1:11

Nisani kami ane komiu muni mantulungi mosambayaka kami, Alatala bate-batena mompakasalama kami riara kasusa. RadekeiNa belo ka kami sabana madea tona mosambaya ka kami. Bo madea tona manguli tarima kasi ka Ia ane rakitara nipoiyoNa pomperapira ka kami.

2 Korintus 9:15

Masipato mpuu kita motarima kasi nte Alatala, sabana pedekeiNa nelabi mpuu kabelona. Ledo rapakuleta mombasovadaka kabelo nu pedekeiNa haitu ka kita!

Efesus 1:16

yaku nasaro nosukuru nte Alatala sabana katuvumiu nabelo haitu, bo yaku bate-batena nosambaya ka komiu.

Efesus 4:29

Sampesuvu-sampesuvu, ane komiu motesa, nee rasovadakamiu tesa nadaa tapi sovadakamo tesa-tesa masipato, anu mombatulungi bo mompakaroso rara ntona ntanina. Tesa-tesa ivehaitu manggeni belo ka topangepena.

Filipi 4:6

Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

Kolose 3:8

Tapi sii-sii kabasakamo pura-pura pokainggu nadaa. Nee marau, nee monasu, nee mompakadaa roa, nee metunturaka, bo nee sampe maria tesa-tesa nasuloka mesuvu lako ri sumbamiu.

1 Tesalonika 3:9

Ane kami nosambaya ka Tuputa Alatala, nadamba mpuu rara kami nantora komiu! Kami nasaro notarima kasi nte Alatala sabana komiu, tapi eva ledo nagana rabalasi ka Ia kadamba rara nirasai kami.

1 Tesalonika 5:18

Bo uli tarima kasi ka Alatala nau damo nuapa majadi, sabana haitumo dota nu Alatala ka komiu anu nosangu rara ante i Yesus Kristus.

Filemon 1:8

Jadi, nanggita pepotovemu ka topomparasaya, naria anu kuperapi nte iko. Kakanana, namala kuparenta iko movia anu masipato mupovia sabana kuasa nidekei i Kristus ka yaku.

Ibrani 13:15

Jadi ante petulungi i Yesus, kita kana masaro manggeni pesombata ka Alatala. Kita kana mombatoiya Ia bo manguli tarima kasi ka Ia, apa haitumo nireke pesombata.

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.

2 Petrus 2:7

Tapi i Lot nipakasalamaNa lako ri pehuku haitu sabana ia tona nabelo. Nasusa mpuu rarana nanggita pokainggu nabuga bo naruto nipovia ntona nadaa haitu.

Yudas 1:10

Tapi guru-guru mpodava haitu nanjalai mpengaya-ngaya anu ledo nisanira. Ira nasimbayu mpo binata-binata anu ledo namala nompekiri. Anu nirasaira, haitumo nioseakara ante ledo ria rekena. Bo pokainggura haitumo sampe ira rahuku nu Alatala.

Yudas 1:13

Ira nasimbayu mpo balumba mbaso niburu mpoiri, bo pokainggura anu nepakaeya nasimbayu mpo rumpu bo bura natapa nitompesaka ri talinti. Ira nasalandala lako ri dala nakana nasimbayu mpo betue-betue mpolinja ri langi ledo nangoseaka dala nipakatantu ka ira. Jadi nipakasadia nTupumo ponturo nalanda mpirika ka ira sampe ri kasae-saena.