Efesus 5:29 - Kaili Ledo

²⁹ Ledo ria tona navuu matana ka karona mboto. Ia nompiara bo nombajagai karona pakabelo-belo nasimbayu mpo i Kristus muni nompiara bo nombajagai todeaNa.

Efesus 5:29 ပူးပေါင်းရင်းမြစ်များ

Matius 23:37

“Heh, komiu toYerusalem! Komiu nompatesi nabi-nabi bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Matius 6:26

Peintamo tonji-tonji ri laerava! Ira ledo notuda pae, ledo nokato bo ledo muni nomboli pae riara gampiri. Tapi naupa ivesia, Alatala, Tuamamiu ri suruga, nombadekei kandea ka ira. Nemopa komiu! NipotoveNapa komiu pade tonji-tonji.

Roma 1:31

Ira nadoyo, ledo namala raparasaya, ledo ria tovera bo ledo ria asi matara nanggita singgamanusiara.

Efesus 5:28

I Kristus nompotove todeaNa, ivesia muni langgai kana mompotove bereina nasimbayu mpo pompotovena karona mboto. Isema-sema nompotove bereina, batuana ia nompotove karona mboto.

Efesus 5:30

Haitu nipovia i Kristus sabana kita todea topomparasaya nireke sipa nu karoNa mboto.

Efesus 5:31

Ri Buku Gasa nitulisi ivei: “Langgai kana mompalaisi tina tuamana bo matuvu mosanggani ante bereina, bo ira randua kana majadi saito.”