Efesus 5:24 - Kaili Ledo

²⁴ Jadi kita todea topomparasaya nekou nte i Kristus, ivesia muni mombine kana mekou nte bereina riara mpengaya-ngaya.

Efesus 5:24 ပူးပေါင်းရင်းမြစ်များ

Lukas 10:17

Bara sakuya kasaena naliu haitu, pitupulu topangoseaka i Yesus nanjili lako ri ngata-ngata nikalaura pangane. Nadamba mpuu rarara bo niulira, “Pue, nau seta natundu nte kami bo nalai tempo nipopalai kami nte kuasaMiu!”

Efesus 5:23

sabana langgai nombabalenggai bereina mombine nasimbayu mpo i Kristus nombabalenggai todea topomparasaya. I Kristus mboto nompakasalama todea topomparasaya anu nirapaka sipa nu karoNa.

Efesus 5:25

Langgai, potovemo bereimiu mombine nasimbayu mpo i Kristus nompotove todea topomparasaya bo nombadekei karoNa rapatesi ala mompakasalama kita todea topomparasaya.

Efesus 5:33

Tapi tesa hitu nosinggambela muni ante komiu topoberei. Pura-pura langgai kana mompotove bereina nasimbayu mpo pompotovena karona mboto, bo pura-pura mombine kana mompasimbuku mombabila bereina langgai.

Kolose 3:20

Ngana-ngana, oseakamo pura-pura parenta tina tuamamiu sabana pokainggu haitumo nompakadamba rara nu Alatala.

Kolose 3:22

Sampesuvu-sampesuvu anu najadi batua, oseakamo pura-pura parenta nu tuamiu ri dunia hitu. Nee aga mangoseaka parentara tempo nikitara komiu ala komiu ratoiyara. Tapi oseakamo parentara ante rara mpuu-mpuu sabana komiu nombabila i Pue Yesus.

Titus 2:9

Patudukimo batua-batua ira kana matundu nte madikara. Ira kana mokarajaa mompakadamba rara nu madikara bo ira ledo mamala mesanai.