Efesus 5:15 - Kaili Ledo

¹⁵ Sabana haitu, pekiri pakabelo katuvumiu; nee matuvu mpo tona nadoyo, tapi komiu kana matuvu mpo tona nanoto.

Efesus 5:15 ပူးပေါင်းရင်းမြစ်များ

Matius 10:16

“Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Matius 25:2

Alima ira nadoyo, bo alima nanoto.

Matius 27:24

Kaupuna nalantomo ka i Pilatus ledo ria gunana mompapola motesa ka ira, sabana ira aga nantambai nongare-ngare, sakidepa majadi kagado. Jadi nialana uve, nitoposina palena ri ngayo ntodea, bo niulina ka ira, “Yaku ledo manjimbuaka sala lako ri kamate ntona nanoa hitu. Komiumo manjimbuakana.”

Matius 27:4

Niulikana ira, “Nadosamo yaku! Yaku nompobalu tona ledo nasala bo Ia nihuku mate!” Nesana ira, “Haitu ledo urusa kami! Urusamu mboto!”

Matius 8:4

Bo nanguli i Yesus ka ia, “Nee mutesa ka tona anu najadi ri karomu. Tapi koimo hau nte topanggeni pesomba bo popakitamo karomu ka ia ala rakitana nabelomo karomu. Bo dekeimo pesombamu ka Alatala, nangoseaka parenta Nabi Musa ala mompopakita ka todea iko mpuu-mpuu nabelomo.”

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

Galatia 3:1

Nadoyo mpuu komiu toGalatia! Isema nanjalipuyo komiu sampe komiu domo nadota nangoseaka pepatuduki nakana? Nipakalantoku mpuu nanguli ka komiu bara ipia patuju kamate i Yesus Kristus ri kayu salib.

Galatia 3:3

Jadi nakuya komiu nadoyo gaga? Lako ri pamulana komiu nomparasaya i Kristus, nitarimamiu katuvu nabaru lako ri kuasa Nosa Gasa. Rapakulemiu mompapola katuvu nabaru ante pompakulemiu mboto? Tantu ledo!

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

Efesus 5:33

Tapi tesa hitu nosinggambela muni ante komiu topoberei. Pura-pura langgai kana mompotove bereina nasimbayu mpo pompotovena karona mboto, bo pura-pura mombine kana mompasimbuku mombabila bereina langgai.

Filipi 1:27

Jadi, nau bara nuapa majadi nte yaku, komiu kana matuvu ante pokainggu masipato ka topangoseaka Kareba Belo i Kristus. Komiu kana matuvu ivesia ala nau kita mosinggava atau ledo, kuepe karebana komiu naroo nosangu rara bo nosangu pekiri bo singgani-nggani nompasimbuku nokarajaa ala madea tona momparasaya Alatala nangoseaka anu niuli riara Kareba Belo.

Kolose 1:9

Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

Kolose 4:5

Komiu kana mokainggu manoto ante tona dopa nomparasaya i Kristus. Pakemo pura-pura loga naria mompopaisani i Kristus ka ira.

1 Tesalonika 5:15

Jagaimo ala ledo maria komiu mombabalasi pokainggu nadaa ante anu nadaa. Komiu kana masaro mompasimbuku movia anu nabelo ka roa-roamiu bo ka tona ntanina muni.

1 Timotius 6:9

Tapi tona madota majadi makalumana mambela pesori. Ia ratoliani mpengaya-ngaya dota rara nadaa bo nadoyo, bo dota-dota haitu mompakagero katuvuana, mompakanavu ia, bo mompakaropu ia

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

Yakobus 3:13

Ane maria nte komiu tona nabelo pekirina bo nanoto rarana, ia kana mompopakita notona ante pokaingguna nabelo. Noto pompekirina haitu kana rapopakitana ante pokainggu nabelo anu neumba lako ri kaede rarana, mpo masipato ka tona nanoto rarana.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”