Efesus 4:5 - Kaili Ledo

⁵ Aga i Yesus saitoNa Tuputa, bo aga sangu pomparasayata. Ivesia muni aga sangu patujuta nidiu, haitumo, rapopakitata kita topangoseaka i Kristus.

Efesus 4:5 ပူးပေါင်းရင်းမြစ်များ

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

Roma 3:30

Alatala aga saito, bo Iamo nompakanoa toYahudi ane ira momparasaya i Yesus, bo Ia muni mompakanoa tona ledo toYahudi ane ira momparasaya i Yesus.

1 Korintus 1:13

Natebagi-bagi tano i Kristus? Ledo yaku nipaku ri kayu salib mombasambei komiu! Tempo komiu nidiu, ledo tandana komiu najadi topangoseaka yaku!

1 Korintus 12:13

Sanu kita toYahudi, sanu ledo. Sanu kita batua, sanu ledo. Tapi kita pura-pura nidekeika nu Alatala Nosa Gasa sangu haitu ala kita majadi sangu karo. Bo Nosa Gasa sangu haitu nonturo riara ntaita pura-pura.

1 Korintus 12:5

Naria mpengaya-ngaya pokarajaa nipoviata ka i Yesus, tapi aga saito Tupu rapokarajaakata.

1 Korintus 8:6

Tapi ane kita topomparasaya, nisanita aga saito Alatala nakana. Iamo Tuamata anu nompajadi pura-pura anu naria ri dunia. Iamo nombadekei katuvu ka kita ala kita mombasomba Ia. Bo aga saito Tuputa, i Yesus Kristus anu nipopale nu Alatala nompajadi pura-pura anu naria, bo lako nte Ia sampe natuvu kita.

2 Korintus 11:4

Nitesa kamimo i Yesus ka komiu bara ipia, bo nitarimamiumo Nosa Gasa bo niparasayamiumo Kareba Belo. Tapi hitupa nikitaku komiu nadamba nantarima tona ntanina anu nombatesa Yesus ntanina. Bo nasadia muni komiu nantarima kuasa ntanina bo nomparasaya kareba ntanina.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Efesus 4:13

sampe kaupuna kita pura-pura mpuu-mpuu mosangu rara sabana kita nomparasaya Ana nu Alatala bo mpuu-mpuu nosisani nte Ia. Bo kita pura-pura mantambai manoto, bo pomparasayata mantambai maroso sampe domo makura nuapa-nuapa. Bo kita majadi nasimbayu mpo i Kristus mboto, nanoto bo naroso.

Filipi 2:11

bo pura-pura ira mompangaku i Yesus Kristusmo Tupura. Ivesiamo, ira mombabila bo mombatoiya Tuamata Alatala.

Filipi 3:8

Ledo aga haitu, tapi pura-pura nirekeku ledo ria gunana ane rapoposisala ante anu nelabi kabelona, haitumo nosisani ante Tupuku i Yesus Kristus. Jadi nikabasakakumo pura-pura bo nirekeku mpo rumpu ala yaku mamala mosisani ante i Yesus Kristus

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

Titus 1:4

Titus, iko mpuu-mpuu mpo anaku mboto, apa kita sampomparasaya. Kuperapi Tuamata Alatala bo i Yesus Kristus, Topompakasalama kita, mombadekei belo bo katinonto ka iko.

Ibrani 13:7

Pekirikamo katuvu pakeni-pakeni anu nanggeni Tesa nu Alatala ka komiu bara ipia. Pariarantaimo jonjo katuvura bo kamatera, bo pasialamo pomparasayara.

Ibrani 6:6

Tapi ane rakabasakara pomparasayara naupa pura-pura haitu nirasaira, ledo ria dala manggeni ira majea mpanjili lako ri dosara. Apa ane ivesia rapoviara, nasimbayu mpo nipakura mpanjili i Pue Yesus ri kayu salib, bo nanjalai Ia ri ngayo ntodea.

Yakobus 2:18

Bara rauli ntona ivei: naria tona nanjarumaka pomparasayana. Bo naria muni tona nanjarumaka pokaingguna. Tapi kuuli ka komiu, ledo rapakulemiu mompopakita pomparasayamiu ka yaku ane ledo nabelo pokainggumiu. Tapi ante pokaingguku nabelo, rasanimiumo yaku mpuu-mpuu nomparasaya.

1 Petrus 3:21

Uve oge haitu nirapaka ada pediu anu nompakasalama kita sii-sii. Ada pediu haitu ledo ada pompegasa tapa lako ri karota, tapi tandana kita topangoseaka i Yesus. Ada haitu nireke pojanjita nte Alatala ala kita mangoseaka Ia sabana niampungiNa dosata. Bo niampungiNa mpuu dosata sabana i Yesus natuvu mpanjili lako ri kamateNa.

2 Petrus 1:1

Sampesuvu-sampesuvuku anu mpuu-mpuu nomparasaya i Yesus Kristus, nasimbayu mpo kami. Iamo Alatala bo Topompakasalama kita, anu nompopompakule pura-pura kita nomparasaya sabana Ia nanoa bo ledo nompelenje. Sura hitu lako nte yaku, i Simon Petrus. Yaku batua bo suro i Yesus Kristus.

Yudas 1:20

Sampesuvu-sampesuvu nipotoveku, posipakaroso pomparasayamo komiu nangoseaka pepatuduki nakana, sabana pepatuduki niparasayata haitu nagasa mpuu. Bo posambayamo ante pekeniaka Nosa Gasa nu Alatala.

Yudas 1:3

Sampesuvu-sampesuvu nipotoveku, naoge mpuu raraku motulisi sura ka komiu, mombatesa kabelona nirasaita pura-pura anu nipakasalama i Yesus. Tapi nirasaiku eva naria anu nompasuu yaku mombabaliki niaku haitu. Apa naria tona anu nanggeni pepatuduki nasala nte kita. Sia sampe niuliku aginamo kutulisi sura mompakaroso raramiu ala komiu mompasimbuku mpuu mangeva tona anu madota mombabaliki pepatuduki nakana. Pepatuduki nakana nipasimbayu nu Alatala ka pura-pura todeaNa. Bo pepatuduki haitu aga sanggani nidekei nu Alatala sampe ri kasae-saena bo ledo namala rabaliki.