Efesus 4:4 - Kaili Ledo

⁴ Pura-pura kita topomparasaya i Kristus najadi sangu karo i Kristus. Bo sangu Nosa Gasa nu Alatala anu naria riara ntaita pura-pura. Ivesia muni panjarumakata aga sangu, haitumo kita pura-pura nipokio nu Alatala matuvu mosanggani-nggani nte Ia sampe ri kasae-saena.

Efesus 4:4 ပူးပေါင်းရင်းမြစ်များ

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Suro-Suro 15:11

Tapi kita nomparasaya bo kita nipakasalama sabana kabelo rara i Pue Yesus. Bo ivesia muni ira!”

Roma 11:29

Apa ane Alatala nompelisi bo nombadekei belo ka tona, ledo rabalikiNa anu nipoviaNa haitu.

1 Korintus 10:17

Nau kita nadea, kita pura-pura najadi sangu karo sabana roti sangu haitu nikandeta nosanggani-nggani.

1 Korintus 12:20

Nadea mami sipa nu karota, tapi karo aga sangu.

2 Korintus 11:4

Nitesa kamimo i Yesus ka komiu bara ipia, bo nitarimamiumo Nosa Gasa bo niparasayamiumo Kareba Belo. Tapi hitupa nikitaku komiu nadamba nantarima tona ntanina anu nombatesa Yesus ntanina. Bo nasadia muni komiu nantarima kuasa ntanina bo nomparasaya kareba ntanina.

Efesus 1:18

Kuperapi ala Ia mompakareme pekirimiu ala mpuu-mpuu rasanimiu kabelo anu nisarumakata lako nte Alatala anu nompokio kita majadi todeaNa. Kuperapi ala rasanimiu kabelo bo kaoge nu belo nipakasadia nu Alatala radekei ka todeaNa bara maipia.

Efesus 2:16

Lako ri kamateNa ri kayu salib, i Kristus nompopakasangu toYahudi bo tona ledo toYahudi, bo nompoposinggabelo pura-pura kita nte Alatala bo nompakaupu pura-pura posievata.

Efesus 2:18

Jadi, kita pura-pura, toYahudi bo tona ledo toYahudi, namala mosinggava nte Tuamata Alatala riara posambayata sabana anu nipovia i Kristus. Kita mamala mosinggava nte Ia ante petulungi Nosa GasaNa sangu.

Efesus 2:22

Bo komiu muni anu ledo toYahudi nosangu rara nte i Kristus, jadi komiu muni nosanggani-nggani ante topomparasaya i Kristus ntanina najadi ponturo Nosa Gasa nu Alatala.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

Efesus 5:30

Haitu nipovia i Kristus sabana kita todea topomparasaya nireke sipa nu karoNa mboto.

Kolose 1:5

Komiu nomparasaya bo nepotove sabana komiu bate-batena nanjarumaka Alatala bo nantongoraka anu nipakasadiaNa ka komiu ri suruga. Anu nisarumakamiu haitu niepemiumo tempo Kareba Belo nipatolele ka komiu bara ipia. Kareba Belo haitu mpuu-mpuu nakana

Kolose 3:15

I Kristus nompoposinggabelo kita. Jadi nee rapoviata anu mombagerosi posinggabelo haitu, sabana kita nipokio nu Alatala ala kita pura-pura matuvu mosinggabelo mpo sipa-sipa nu karo sangu. Bo nee menonto motarima kasi nte Alatala.

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

1 Timotius 1:1

Timotius nipotoveku; iko mpuu-mpuu nirekeku anaku mboto sabana kita sampomparasaya: Sura hitu lako nte yaku Paulus, suro i Yesus Kristus. Yaku najadi suroNa nangoseaka parenta nu Alatala anu nompakasalama kita, bo nangoseaka parenta i Yesus Kristus anu nisarumakata. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

Titus 1:2

Haitu nipoviaku ala ira mamala manjarumaka matuvu nte Alatala sampe ri kasae-saena. Dopame dunia hitu nipajadi nu Alatala, nijanjiNa todeaNa matuvu sampe ri kasae-saena. Alatala ledo nodava bo pojanjiNa namala raparasayata.

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

Titus 3:7

PatujuNa, ala kita anu najadi nanoa ri panggitaNa lako ri kabelo raraNa, mamala manjarumaka matuvu mabelo sampe ri kasae-saena.

1 Petrus 1:21

Iamo sampe komiu nomparasaya Alatala. Alatala nompakatuvu mpanjili Ia lako ri kamateNa bo nombadekei kuasa bo kaoge nipokumaaka ka Ia. Jadi haitumo sampe komiu nomparasaya bo nanjarumaka Alatala.

1 Yohanes 3:3

Isema-sema manjarumaka majadi masimbayu mpo i Kristus, ia kana mombajagai pokaingguna ala katuvuna mpuu-mpuu magasa masimbayu mpo katuvu i Kristus.