Efesus 4:32 - Kaili Ledo

³² Tapi kana mabelo raramiu nte roa bo mosipoasi mata. Komiu kana mosiampungi, nasimbayu mpo Alatala nombaampungi komiu sabana komiu nosangu rara nte i Kristus.

Efesus 4:32 ပူးပေါင်းရင်းမြစ်များ

Matius 6:12

Bo ampungi sala kami, nasimbayu eva kami muni nombaampungi tona novia sala nte kami.

Markus 11:25

Bo ane komiu mosambaya, ampungi ntani tona novia sala nte komiu, ala komiu muni raampungi nTuamamiu ri suruga.

Lukas 1:78

Alatala mpuu-mpuu nompoasi kita. Eva mata nu eo nebonda mpadondona mompakareme dunia, ivesia muni peongaNa mompakasalama kita. Apa Ia makava mompakareme pekiri ntona natuvu ri kalandana bo naeka mamate. Ia makava mompakasalama kita bo manggeni kita hau ri dala kabelona.”

Lukas 11:4

Ampungimo dosa kami mpo kami muni nombaampungi pura-pura tona nasala nte kami. Bo nee rapalamba kami rapesori.’ ”

Lukas 17:4

Ane pitu-nggani saeo rapoviana anu nadaa ka komiu bo nggani-nggani ia makava nte komiu merapi ampu, ampungimo ia.”

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Lukas 6:37

“Nee rapakasalamiu tona ala komiu ledo rapakasala nu Alatala. Nee mompakatantu sala ntona kana rahuku, ala komiu ledo rahuku nu Alatala. Ampungimo tona ntanina ala komiu muni raampungi nu Alatala.

Suro-Suro 28:2

Tona nonturo ri levuto haitu najole mpuu nte kami. Nikadambanakara kami pura-pura ante belo bo nipanakira apu rapanderu kami, sabana naranindi bo nompamulamo nauda.

Roma 12:10

Posimpotovemo mpo posimpotove ntali sampesuvu. Bila ntanimo roamiu pade karomiu mboto.

1 Korintus 13:4

Tona nompotove roana nandoe posabarana bo nabelo rarana. Ia ledo nasiriati, ledo nangoe, bo ledo nalanga rarana.

2 Korintus 2:10

Jadi hitupa naganamo. Isema-sema niampungimiumo, niampungiku munimo. Ane rapana tona haitu paraluu kuampungi, niampungikumo ri panggita i Kristus ala manggeni belo ka komiu pura-pura.

2 Korintus 2:7

Hitupa komiu kana mombaampungi ia bo mompakavoe rarana. Nee sampe ia masusa gaga bo maupu rarana.

2 Korintus 6:6

Riara mpengaya haitu, nalantomo kami mpuu-mpuu batua nu Alatala, apa pokainggu kami nagasa, nisani kami Tesa nu Alatala, kami nosabara bo nabelo rara nte tona. Nosa Gasa nokarajaa riara nggatuvu kami bo kami nompotove tona ntanina ante rara mpuu-mpuu.

Efesus 5:1

Alatala nompotove komiu bo komiu najadi ana-anaNa, jadi komiu kana mompasiala pokainggu nu Alatala.

Yakobus 5:11

Iramo niuli ntona nasana sabana karoo rarara tempo nirasaira susa bo pari. Nisanimiumo tesa posabara Nabi Ayub nggaulu. Ia naroo rarana riara kasusa bo kapari, bo kaupuna Tupu nompakabelo mpanjili katuvuna. Apa Tupu nabelo raraNa bo naasi mpuu mataNa nanggita kita!

2 Petrus 1:7

bo mosimpotove nte sampesuvumiu sampomparasaya. Bo komiu kana mompotove pura-pura tona.

1 Yohanes 1:9

Tapi ane kita mombanoa dosa-dosata ri ngayo nu Alatala, raampungiNa dosata bo rapakagasaNa rarata lako ri pura-pura anu nadaa. Apa ivesia nijanjiNa ka kita bo Ia namala rasarumaka mompakadupa pojanjiNa, bo movia anu nanoa.

1 Yohanes 2:12

Yaku notulisi hitu ka komiu, ngana-ngana, sabana dosamiu niampungimo lako ri kamate i Yesus.