Efesus 4:14 - Kaili Ledo

¹⁴ Ane ivesia kita, kita domo mpo ngana anu ledo nakaja rabagiu, atau sakaya kodi nitompesaka nu balumba bo nikeni nu poiri hau tumai. Kita domo aga rataja hau tumai mangoseaka mpengaya-ngaya pepatuduki anu ledo nakana, bo domo kaliu-liu momparasaya tesa-tesa ntopebagiu anu natau gaga nodava, dava nipoviara mboto. Patujura, mompakasalandala kita.

Efesus 4:14 ပူးပေါင်းရင်းမြစ်များ

Matius 11:7

Nalaipa tona nitudu i Yohanes haitu, nitesaNamo katuvu i Yohanes ka todea. NiuliNa, “Nuapa patujumiu hau ranggarava bai nompeinta i Yohanes bara ipia? Hau manggita tona nonggai rarana eva kavoko niburu mpoiri hau tumai? Natantu ledo ivesia.

Matius 24:11

Bo madea nabi mpodava meumba bo madea tona rabagiura.

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Suro-Suro 23:21

Tapi kuperapi nte komiu, nee mpuu rapoiyomiu perapira haitu. Apa nelabi patapulu ira nasadiamo mombalava i Paulus ri dala. Ira pura-pura nosumpa ledo mangande bo ledo manginu ane dopa rapatesira i Paulus. Nasadiamo ira. Ira damo nompopea pesanamiu.”

1 Korintus 12:2

Nisanimiu mbotomo tempo komiu dopa nomparasaya i Yesus, komiu nasaro nasalandala nikeniaka ntupu-tupu ntanina anu ledo nosuara.

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

1 Korintus 3:19

Apa anu nireke napande ri panggita nu manusia nadoyo ri panggita nu Alatala. Evamo nitulisi riara Buku Gasa ivei: “Alatala nompakanavu tona natau ante akalara mboto.” Ayub 5:13

2 Korintus 2:17

Nadea tona nompatolele Tesa nu Alatala ala mangelo untu ka karora mboto. Tapi ledo ivesia kami. Patuju kami nagasa bo tesa kami nakana, apa kami nisuro nu Alatala mompatolele TesaNa. Jadi kami notesa ante kuasa i Kristus bo Alatala nanggita povia kami haitu.

2 Korintus 4:2

Tapi ane kami, kami domo nangoseaka pokainggu nadaa anu nepakaeya. Kami ledo nebagiu bo ledo nantenggoaka Tesa nu Alatala. Alatala sabi kami bo nikitaNa kami aga nompatolele anu nakana ala rasani ntodea kami namala raparasaya.

Galatia 3:1

Nadoyo mpuu komiu toGalatia! Isema nanjalipuyo komiu sampe komiu domo nadota nangoseaka pepatuduki nakana? Nipakalantoku mpuu nanguli ka komiu bara ipia patuju kamate i Yesus Kristus ri kayu salib.

Efesus 6:11

Pakemo pura-pura pareva posieva nidekei nu Alatala ka komiu, ala komiu mompakule mombatidamaka mpengaya-ngaya peeva noakala lako ri Magau nu Seta.

1 Timotius 3:6

Ledo mamala tona dako nomparasya i Kristus majadi pakeni ntopomparasaya, mbelaka malanga rarana bo rapambela pehuku nasimbayu mpo pehuku nipambela ka Magau nu Seta bara ipiame.

2 Timotius 1:15

Nisanimu pura-pura topomparasaya lako ri propinsi Asia nompalaisi yaku. Nau i Figelus bo i Hermogenes, nalai munimo.

2 Timotius 3:13

Tona nadaa bo topebagiu aga mantambai kadaana. Ira mombabagiu tona ntanina bo ira muni rabagiu.

2 Timotius 4:3

Apa makava tempona bara maipia domo madota ira mangepe pepatuduki nakana. Raelora guru-guru anu mompatuduki pepatuduki anu marasa raepe. Patujura ala mamala raepera pepatuduki anu nosinggambela ante dota nu rarara mboto nadaa.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.

Yakobus 1:6

Tapi ane komiu merapi nte Alatala, komiu kana mpuu-mpuu momparasaya bo nee monggai raramiu. Apa tona nonggai rarana nasimbayu mpo balumba ri tasi niburu mpoiri hau tumai.

Yakobus 3:4

Ivesia muni kapala rantasi. Nau nambaso mpuu kapala bo narimboso poiri, kapala haitu mamala ragoliaka nu guli nantuntuni dota ntopompajala kapala haitu.

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.

1 Yohanes 2:19

Bali-bali i Kristus nesuvu lako nte kita, tapi kakanana ira ledo nosangu pomparasaya ante kita. Ane ira mpuu-mpuu nosangu pomparasaya ante kita, natantu ira da mosanggani-nggani ante kita. Tapi nipalaikaramo kita, jadi nisanita ira ledo mpuu nosangu pomparasaya ante kita.

1 Yohanes 2:26

Tesa hitu nitulisiku ka komiu apa bali-bali i Kristus nompasimbuku mompatuduki anu nasala ka komiu.

1 Yohanes 4:1

Sampesuvu-sampesuvu nipotoveku, nee kaliu-liu raparasayamiu pura-pura tona nanguli naria Nosa Gasa nu Alatala nte ira. Tapi peintaka ruru, ala rasanimiu bara Nosa Gasa mpuu naria nte ira, bara ledo. Niuliku ivesia apa nadeamo nabi mpodava ri umba-umba ri dunia sii-sii.

Yudas 1:12

Tempo komiu nasiromu nangande nosanggani-nggani mantora posangu raramiu nte i Kristus, guru-guru mpodava gahaitu aga nepakaeya. Ledo naeya matara nompebasa nangande bo aga nompekirika karora mboto. Ira ledo ntoto ria gunana, nasimbayu mpo kulimu vuri anu ledo najadi uda, aga niburusi mpoiri. Bo ira nasimbayu mpo kayu ledo novua ri tempo mpovuana, mpo kayu nitovo bo nipekalesi sampe namate mpuu.

Pompakita 19:20

Tapi binata nadaa nisaka sanggani ante nabi mpodava bo ira randua nitedaka nggatuvu riara ntasi apu anu navaya ante vatu-vatu colonggata navaya. Nabi mpodava haitumo novia tanda-tanda nipokumaaka ante kuasa nidekei nu binata nadaa ka ia. Ante tanda-tanda nipokumaaka, ia nombabagiu tona nimere ante tanda nu binata nadaa bo tona nombasomba pinoitona.