Efesus 3:8 - Kaili Ledo

⁸ Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Efesus 3:8 ပူးပေါင်းရင်းမြစ်များ

Lukas 14:22

Jadi naupu nipoviana pura-pura anu niparenta ka ia, niulinamo, ‘Tua, nipoviakumo anu niulimiu. Nadea tona nakava tapi da nariapa ponturo naloga.’

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Roma 11:33

Nambaso mpuu kabelo nu Alatala! NotoNa bo pangisaniNa ledo ria pantaana! Ledo ria saitoa nompakule mombapaha pobotusiNa, atau mompakalanto anu nipoviaNa.

Roma 12:10

Posimpotovemo mpo posimpotove ntali sampesuvu. Bila ntanimo roamiu pade karomiu mboto.

Roma 2:4

Alatala mpuu-mpuu nabelo raraNa, Ia nosabara, bo ledo nasalisa nombahuku dosa-dosamiu. Tapi nipandaentemiu kabelo raraNa. Ledo nisanimiu? Alatala nabelo nte komiu sabana Ia madota komiu majea lako ri dosamiu.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

1 Korintus 15:9

Yaku hii suro i Yesus natueipa pade suro-suro ntanina. Kakanana yaku hii ledo masipato rauli suro i Yesus sabana yaku nompandasa todea topomparasaya Ia bara ipia.

1 Korintus 2:9

Nau ledo nisani ntopoparenta ri dunia, Alatala nompopaisanina ka kita, evamo nitulisi riara Buku Gasa, “Dopa nikita nu manusia, dopa niepe ntalingara, bo dopa muni nesua ri pekirira pura-pura belo nipakasadia nu Alatala ka tona nompotove Ia.” Yesaya 64:4

Galatia 1:16

Ia nompopaisani AnaNa i Yesus ka yaku ala yaku mamala mompatolele Kareba Belo anu notesaki AnaNa haitu ka tona ledo toYahudi. Tempo yaku nipokio nu Alatala, yaku ledo kaliu-liu hau nte manusia merapi rapatuduki, apa i Yesus mbotomo nompopaisani Kareba haitu ka yaku.

Galatia 2:8

Alatala nombadekei pompakule ka i Petrus majadi suro ka toYahudi, bo Ia muni nombadekei pompakule ka yaku majadi suro ka tona ledo toYahudi.

Efesus 2:7

Alatala novia ivesia ala ri tempo makava bo sampe ri kasae-saena, manusia manggita kaoge nu toveNa bo kabelo nu raraNa anu ledo ria kasimbayuna. ToveNa bo kabelo raraNa haitu nipopakitaNa ka kita ante anu nipovia i Yesus Kristus.

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Efesus 3:16

Naoge mpuu kuasa bo kabelo nu Alatala! Jadi kuperapi ala Ia mpuu-mpuu mompakaroso rara ntaimiu ante Nosa GasaNa

Efesus 3:2

Natantu niepemiumo Alatala nombadekei ka yaku pokarajaa mompatolele Kareba Belo ka komiu tona ledo toYahudi. Pokarajaa haitu nidekeiNa ka yaku lako ri kabelo nu raraNa.

Filipi 2:3

Nuapa-nuapa rapoviamiu, nee aga mangelo kauntu mboto atau mantoiya karo mboto, tapi aginamo rapakaedemiu raramiu bo manguli roamiu naogepa pade komiu mboto.

Filipi 4:19

Alatala nisombaku mompakagana ka komiu pura-pura anu niparaluumiu lako ri kakalumanaNa anu naoge mpuu, sabana anu nipovia i Yesus Kristus.

Kolose 1:27

Apa dota nu Alatala ala rasani ntodeaNa kabelo bo kaoge niaNa ka pura-pura manusia. NiaNa haitumo: i Kristus natuvu riara ntaita, jadi nisanita kita mpuu-mpuu matuvu mabelo nte Alatala sampe ri kasae-saena.

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.

1 Timotius 1:15

Naria tesa nanguli ivei: “I Yesus Kristus nakava ri dunia ala mompakasalama tona nadosa.” Tesa haitu nakana bo masipato ratarimata bo raparasayata mpuu. Bo yakumo nelabipa nadosa pade pura-pura tona ntanina.

1 Timotius 2:7

Bo haitumo sabana yaku nianggataka nu Alatala majadi suroNa. NituduNa yaku hau mompatolele Kareba Belo ka tona ledo toYahudi. NituduNa yaku mompatuduki pepatuduki nakana ka ira ala raparasayara i Yesus. Anu nitesaku hitu nakana mpuu, yaku ledo nodava!

2 Timotius 1:11

Yaku nianggataka nu Alatala majadi suroNa ala mompatolele bo mompatuduki Kareba Belo haitu ka tona ledo toYahudi.

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.