Efesus 3:3 - Kaili Ledo

³ Ia mboto nompopaisani patujuNa ka yaku anu dopa nisani nu manusia bara ipia. (Nitulisiku sakide ri bavona,

Efesus 3:3 ပူးပေါင်းရင်းမြစ်များ

Suro-Suro 22:17

“Sampesuvu-sampesuvu, naupu haitu, nanjilimo yaku hau ri ngata Yerusalem, bo tempo yaku nosambaya ri Banua nu Alatala, yaku nikuasai Nosa Gasa.

Suro-Suro 22:21

Tapi nanguli vaimo i Pue ka yaku, ‘Koimo. Yaku nantudu iko hau ri ngata-ngata nakavao, nte tona ledo toYahudi.’ ”

Suro-Suro 23:9

Jadi nadaa mpuumo kagado. Neangga bara sako-ndua toFarisi anu najadi guru agama bo ira mpuu-mpuu nombabali tesa ntoSaduki. Niulira, “Ane panggava kami, i Paulus hitu ledo ntoto naria salana, nau aga sakide. Bara naria anitu bara malaeka nTupu notesa ka ia.”

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

2 Korintus 12:1

Yaku kana mangoe karoku mboto, nau ledo ria gunana. Jadi kutesa ruru anu nipopakita bo anu nipopaisani i Pue Yesus ka yaku.

Galatia 1:12

Kareba Belo ledo nitarimaku lako nte manusia, bo ledo muni manusia nompatuduki yaku. Tapi i Yesus Kristus mbotomo nompopaisani Kareba Belo haitu ka yaku.

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

Efesus 3:4

bo ane rabacamiu, rasanimiu muni anu nipopaisani ka yaku, haitumo, patuju nu Alatala anu nipakadupa riara nggatuvu i Kristus.)

Efesus 3:6

Iveimo nia nipopaisaniNa: tona ledo toYahudi mantarima belo lako nte Alatala mosanggani-nggani ante toYahudi. Bo tona ledo toYahudi mosanggani-nggani nte toYahudi majadi sipa-sipa ri sangu karo, haitumo karo i Kristus. Bo ratarimara munimo pura-pura anu nijanji nu Alatala ka tona nosangu rara nte i Yesus Kristus. Pura-pura haitu ratarimara sabana niparasayara Kareba Belo.

Efesus 3:9

Yaku nidekeika pokarajaa muni mompopaisani ka pura-pura tona berimba Alatala nompakadupa niaNa, haitumo, niaNa mompopakasangu toYahudi bo tona ledo toYahudi lako ri posangu rarara nte i Kristus. Lako ri lamba pamulana, Alatala Topompajadi dunia hitu dopa nompopaisani niaNa haitu.

Efesus 6:19

Bo posambayaka muni yaku ala tempo yaku motesa, Alatala mombadekei ka yaku tesa-tesa masipato, bo nau bara nuapa majadi, yaku mabia mompatolele Kareba Belo anu ledo nisani ntona nggaulu.

Kolose 2:2

Yaku nompasimbuku ala raramiu pura-pura rapakaroso bo komiu mosangu rara bo mosimpotove. Apa ane ivesia, pomparasayamiu mpuu-mpuu maroso bo komiu ledo molengga-lengga sabana nisanimiumo anu nakana. Jadi komiu mosisani belo nte i Kristus, Iamo poko nia nu Alatala, nia anu nitabuniaka lako ri nggauluname.

Kolose 4:3

Posambayaka muni kami ala Alatala mombadekei loga nabelo ka kami mompatolele karebaNa anu notesaki niaNa anu nipakadupa i Kristus. NiaNa haitu da nitabuniaka bara ipia, tapi sii-sii nipatolelekumo kareba i Kristus haitu. Bo sii-sii yaku nitarunggu sabana pokarajaaku nompatolele kareba haitu.

Ibrani 13:22

Sampesuvu-sampesuvu, kuperapi nte komiu posabaramo mangepe tesa nitulisiku hitu, sabana suraku hitu ledo nandoe ntoto.

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.

2 Petrus 3:15

Toramo, posabara nTupu nombadekei loga ka manusia rapakasalama. Ivesia muni nitulisi nu sampesuvuta i Paulus nipotoveta. Surana haitu nitulisina nangoseaka noto nidekei nu Alatala ka ia.