Efesus 3:20 - Kaili Ledo

²⁰ Alatala masipato rabilata! Nabaraka mpuu kuasaNa anu nombatulungi kita riara katuvuta. Ante kuasaNa haitu, Alatala nompakule novia nelabipa pade pura-pura raperapita atau rapekirita.

Efesus 3:20 ပူးပေါင်းရင်းမြစ်များ

Matius 3:9

Nee rapekirimiu, ‘Kami hii muli i Abraham. Pehuku nu Alatala ledo rapambela ka kami.’ Haitu ledo muni nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Yohanes 10:10

Ane topangangga, ia aga tumai mangangga, mepatesi, bo mompakagero. Tapi Yaku hii nakava ala manusia manggava katuvua mabelo bo katuvua haitu ledo ria kakurana.”

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

Roma 4:21

niparasayana mpuu Alatala nompakule mompakadupa pojanjiNa.

1 Korintus 2:9

Nau ledo nisani ntopoparenta ri dunia, Alatala nompopaisanina ka kita, evamo nitulisi riara Buku Gasa, “Dopa nikita nu manusia, dopa niepe ntalingara, bo dopa muni nesua ri pekirira pura-pura belo nipakasadia nu Alatala ka tona nompotove Ia.” Yesaya 64:4

2 Korintus 9:8

Alatala nakuasa mombadekei belo ka komiu sampe komiu bate-batena ledo makura nuapa-nuapa. Bo belo haitu melabipa kaganana sampe komiu mamala movia mpengaya-ngaya anu nabelo mombatulungi tona ntanina.

Efesus 1:19

Yaku nerapi ala rasanimiu kaoge nu kuasaNa anu nipokumaaka, anu nombatulungi kita topomparasaya Ia.

Efesus 3:7

Lako ri kabelo nu raraNa, Alatala nombadekei ka yaku pokarajaa nompatolele Kareba Belo. Bo lako ri kuasaNa anu nokarajaa riara ntaiku, nipopompakuleNa yaku mompapola pokarajaa haitu.

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.

1 Timotius 1:14

Naoge mpuu pepotove nTuputa nte yaku! Lako ri kabelo raraNa nipopompakuleNa yaku momparasaya Ia bo mompotove singgamanusiaku sabana yaku nosangu rara nte i Yesus Kristus.

Ibrani 11:19

Nipekirina Alatala nompakule mompakatuvu mpanjili tomate. Jadi namala rauli i Abraham nantarima anana mpanjili lako ri kamatena.

Ibrani 7:25

Jadi haitumo sampe Ia nompakule nompakasalama sampe ri kasae-saena tona nikeniNa natundu nte Alatala. Apa i Yesus batena natuvu nombasaliku ira ri ngayo nu Alatala.

Yakobus 4:12

Kakanana aga Alatala nakuasa mombadekei atura ka manusia bo mompakasala manusia. Aga Ia nakuasa mompakasalama kita, bara mombahuku kita. Jadi ledo masipato kita mompakasala roata sampomparasaya!

2 Petrus 1:11

bo Alatala mboto mantarima komiu ante mabelo riara Poparenta anu naroo sampe ri kasae-saena, haitumo Poparenta nTuputa Yesus Kristus, Topompakasalama kita.

Yudas 1:24

Ratoiyatamo Alatala sabana Ia nakuasa nombajagai kita ala ledo rakabasakata pomparasayata. Ia nakuasa manggeni kita hau ri suruga mantingayo Ia riara kaogeNa, bo ledo maria salata, bo melabi kadamba rarata.