Efesus 3:13 - Kaili Ledo

¹³ Jadi, sampesuvu-sampesuvu, kuperapi nte komiu, nee maupu raramiu nangepe yaku nitarunggu, sabana pura-pura kasusa nirasaiku sii-sii manggeni belo ka komiu.

Efesus 3:13 ပူးပေါင်းရင်းမြစ်များ

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

2 Korintus 1:6

Kami nombarasai kasusa bo kapari ala rapakule kami mompakaroso raramiu, bo ala komiu rapakasalama. Ane rara kami rapakaroso nu Alatala riara kasusa bo kapari, tantu raramiu muni rapakarosoNa sampe komiu mosabara mombatidamaka kasusa bo kapari nasimbayu mpo kasusa nirasai kami.

2 Korintus 4:1

Jadi ledo naupu rara kami nompatolele Kareba Belo sabana pokarajaa hitu niparasaya nu Alatala ka kami lako ri kabelo raraNa.

Galatia 6:9

Sabana haitu, nee mabasa rarata movia anu nabelo, sabana ane ledo maupu rarata movia anu nabelo, makava tempona ratarimata aselena.

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Filipi 2:18

Ivesia muni komiu kana mosukuru bo madamba mpasanggani-nggani ante yaku.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

2 Tesalonika 3:13

Tapi komiu sampesuvu-sampesuvu, nee masau raramiu movia anu nabelo.