Efesus 3:10 - Kaili Ledo

¹⁰ PatujuNa ala sii-sii pura-pura malaeka bo anu nakuasa ri langi mangisani notoNa nompasiayu mpengaya-ngaya, sabana rakitara niaNa haitu rapakadupa ante todea topomparasaya i Kristus.

Efesus 3:10 ပူးပေါင်းရင်းမြစ်များ

Roma 11:33

Nambaso mpuu kabelo nu Alatala! NotoNa bo pangisaniNa ledo ria pantaana! Ledo ria saitoa nompakule mombapaha pobotusiNa, atau mompakalanto anu nipoviaNa.

Roma 8:38

Apa niparasayaku, nau sangaya ledo ria nompakule mompopogaa kita lako ri toveNa. Nau mamate nau matuvu, Ia bate-batena mompotove kita. Ledo ria malaeka atau seta atau kuasa ntanina, ledo ria nuapa-nuapa najadi sii-sii atau nuapa-nuapa majadi bara maipia,

1 Korintus 1:24

Tapi ane tona nipokio nu Alatala majadi todeaNa, nau toYahudi, nau toYunani, nisanira kamate i Kristus haitu nompopakita kuasa bo kapande nu Alatala ka ira.

1 Korintus 2:7

Kapande nipatolele kami, iamo kapande lako nte Alatala. Kapande haitu ledo nisani ntona ri dunia. Tapi dopame dunia nipajadi, Alatala nonia mamimo mompopaisani kapandeNa haitu ka kita sii-sii. Haitu nipoviaNa ala manggeni belo ka kita.

Efesus 1:21

Kuasa nidekeiNa ka i Kristus naogepa pade pura-pura kuasa ntanina, nau kuasa pomarenta-pomarenta, nau kuasa ntomaoge, nau kuasa anu nisomba manusia, nau kuasa-kuasa nipokaeka manusia. I Kristus nakuasapa pade pura-pura anu nalanga panggana, nau anu naria sii-sii, nau anu maria ri tempo makava.

Efesus 1:23

bo kita todea topomparasaya nirapaka karoNa. Todea topomparasaya nipakagana i Kristus anu nompakagana pura-pura nuapa naria, ri umba-umba ri dunia bo ri suruga.

Efesus 1:3

Ratoiyata Alatala, Tuama nTuputa Yesus Kristus! NidekeiNa ka kita mpengaya-ngaya belo lako ri suruga sabana kita nosangu rara ante i Yesus Kristus.

Efesus 1:8

ToveNa haitu nipopelabiNa ka kita bo Ia muni mpuu-mpuu nompakanoto rarata bo nompopaisani patujuNa ka kita.

Efesus 6:12

Apa kita ledo nangeva manusia. Kita nangeva kuasa-kuasa bo pomarenta-pomarenta nadaa anu ledo nikita. Kita nangeva malaeka-malaeka nadaa anu nakuasa ri dunia hitu. Kita nangeva mpengaya-ngaya seta bo anu daa ri laerava.

Kolose 1:16

Apa Iamo nipopale nu Alatala nompajadi pura-pura anu naria ri suruga bo ri dunia, anu nikita, bo anu ledo nikita. Pura-pura malaeka nu Alatala bo seta-seta, pura-pura anu nakuasa bo anu nipakakuasa, nipajadi i Kristus ante kuasa nu Alatala, ala pura-pura haitu mombabila bo mompakaoge Ia.

Kolose 2:10

Bo komiu natuvu mpuu bo ledo nakura nuapa-nuapa sabana komiu nosangu rara ante i Kristus. I Kristus nalangapa nturoNa pade pura-pura anu nakuasa bo anu nomparenta ri suruga bo dunia.

Kolose 2:15

Bo tempo i Yesus nipatesi nipaku ri kayu salib, nidagiNa pura-pura seta bo malaeka nadaa anu nakuasa. NilelakasiNamo kuasara nomparenta bo nipopakitaNa ka pura-pura isi dunia Iamo padagi bo ira nidagiNamo.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.

1 Petrus 3:22

Bo i Yesus neore hau ri suruga bo sii-sii nonturo ri ponturo nibila ri panggana nu Alatala bo nomparenta nosanggani-nggani nte Ia. Bo pura-pura malaeka bo topoparenta bo tonakuasa ri laerava natundu nte Ia.