Efesus 2:6 - Kaili Ledo

⁶ Bo kita nianggatakaNa ala kita muni momparenta mosanggani-nggani ante i Yesus Kristus ri suruga sabana kita nosangu rara ante Ia.

Efesus 2:6 ပူးပေါင်းရင်းမြစ်များ

Matius 26:29

Toramo tesaKu hitu. Domo Kuinu sanupa uve anggur sampe makava tempona bara maipia Alatala, TuamaKu, momparenta mpo Magau. Ri Poparenta haitumo pade Kuinu uve anggur nabaru mosanggani-nggani ante komiu.”

Lukas 12:37

Nabelo mpuu batua haitu ane manjili madikara bo rakavana ira da nemata! Pariaramo! Madika haitu mompasua baju pokarajaa bo ratuduna ira monturo, bo ia mboto mombasondu kandea ka ira!

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Yohanes 14:3

Bo maupu Yaku hau mompakasadia ponturo ka komiu, Yaku kana manjili tumai mombatomunaka komiu ala ri umba Kuponturo, ri sia muni raponturomiu.

Efesus 1:1

Sampesuvu-sampesuvu anu najadi todea nu Alatala bo naroo nomparasaya i Yesus Kristus ri ngata Efesus: Sura hitu lako nte yaku i Paulus, anu nianggataka najadi suro i Yesus Kristus nangoseaka dota nu Alatala.

Efesus 1:3

Ratoiyata Alatala, Tuama nTuputa Yesus Kristus! NidekeiNa ka kita mpengaya-ngaya belo lako ri suruga sabana kita nosangu rara ante i Yesus Kristus.

Efesus 2:10

Kita hii nipajadi nu Alatala manusia nabaru anu nosangu rara nte i Yesus Kristus. Patuju nu Alatala novia ivehaitu ala kita mompakule mokainggu mabelo, mpo nipakatantuNa mami ka kita lako ri nggauluname.

Efesus 2:13

Tapi sii-sii domo mpo bara ipia, sabana komiu nosangu raramo ante i Yesus Kristus. Bara ipia komiu nakavao lako nte Alatala, tapi sii-sii komiu nipakapara ante Ia sabana raa lako ri kamate i Kristus.

Kolose 1:18

Kita anu nomparasaya i Kristus namala rarapaka karoNa, bo i Kristus balenggata. Balenggata nompakasiayu karota, ivesia muni Ia nompakasiayu todea topomparasaya Ia. Bo Iamo nombadekei katuvu nabaru ka kita. Iamo Lumbua; batuana, Iamo anu paratama natuvu mpanjili lako ri kamatena. Sabana haitu pura-pura, Iamo naogepa pade pura-pura anu naria.