Efesus 2:3 - Kaili Ledo

³ Bara ipia kita pura-pura nokainggu nasimbayu mpo tona haitu; kita muni natuvu nangoseaka mpengaya-ngaya dota rarata nadaa. Kita aga novia anu nompakasana karota bo pekiri rara ntaita nadaa. Kakanana kita masipato rapambela pehuku nu Alatala sabana pokaingguta haitu. Kita nasimbayu mpo tona ntanina nadaa.

Efesus 2:3 ပူးပေါင်းရင်းမြစ်များ

Markus 4:19

tapi nabago gaga rarana nompekirika katuvura mboto. Ira aga naino ka doi bo nadidi ka mbara-mbara mpengaya-ngaya ri dunia. Haitu pura-pura nangupi Tesa nu Alatala sampe ledo ria aselena riara nggatuvura.

Yohanes 1:13

Ira najadi ana-ana nu Alatala ledo sabana nipoanaka ntotuara, atau lako ri dota manusia bara dota ntuamara. Tapi sabana Alatala mboto nompajadi ira anaNa.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Suro-Suro 14:16

Tempo nggaulu, Alatala nompalamba manusia natuvu nangoseaka dotara mboto.

Roma 1:24

Manusia ledo nadota netupu nte Alatala, jadi Alatala nompalamba ira nangoseaka dota rarara mboto bo nokainggu nadaa, sampe posipogaura mpuu-mpuu nepakaeya.

Roma 11:30

Bara ipia komiu tona ledo toYahudi ledo natundu nte Alatala. Tapi sii-sii komiu nipoasiNa bo niampungiNa sabana pesapuaka ntoYahudi.

Roma 13:14

Tapi kita kana mompasiala pokainggu i Pue Yesus Kristus. Haitumo pareva posieva rapasuata. Bo nee rapaloga karomiu mangoseaka dota raramiu nadaa.

Roma 2:14

Tona ledo toYahudi ledo nisanira Atura agama Yahudi. Tapi biasa pekiri rara ntaira mboto nanggeni ira nokainggu nabelo, nasimbayu mpo pokainggu niuli riara Atura agama. Nau ledo nisanira Atura agama Yahudi, pekiri rara ntaira mboto najadi Atura agama ka ira.

Roma 5:10

Bara ipia, tempo kita da nangeva Alatala, nidekeiNa AnaNa mamate mombasambei kita, ala kita rapoposinggabelo mpanjili ante Ia. Sii-sii kita nosinggabelomo ante Alatala, jadi natantumo kita rapakasalama lako ri pehuku bara maipia, sabana i Kristus bate-batena natuvu.

Roma 5:9

Kita najadi nanoa ri panggita nu Alatala sabana raa i Yesus anu namate mombasompo dosata. Jadi, natantumo i Yesus mombakabasaka kita lako ri pehuku nu Alatala anu makava ngena.

Roma 6:12

Jadi nee rapalamba dosa mombakuasai katuvumiu ri dunia hitu, ala komiu ledo mangoseaka dota raramiu anu nadaa.

Roma 7:18

Nisaniku ledo ria anu nabelo riara ntaiku, apa yaku manusia nadosa. Yaku madota mokainggu mabelo, tapi ledo nipakuleku.

Roma 9:22

Ivesia muni ante Alatala. Ia nakuasa movia nuapa-nuapa nipodotaNa nte kita manusia. Ia nasadia mombahuku tona nadaa bo mompopakita kuasaNa. Tapi Ia nosabara nte tona anu nompakarau Ia bo masipato rahuku sampe ri kasae-saena.

1 Korintus 4:7

Isema nanguli komiu nelabipa pade tona ntanina? Nuapa naria nte komiu anu ledo nidekei nTupu ka komiu? Jadi nakuya komiu nangoe-ngoe? Nisarumakamiu anu naria nte komiu asele mpoviamiu mboto?

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

Galatia 3:22

Tapi niuli ri Buku Gasa, pura-pura manusia nikuasai nu dosa. Jadi, ledo ria dala ntanina mompakanoa kita ri panggitaNa, aga momparasaya i Yesus Kristus. Katuvua mabelo nijanji nu Alatala radekeiNa ka isema-sema nomparasaya.

Efesus 2:2

Komiu natuvu nangoseaka kabiasa-kabiasa nu manusia ri dunia hitu, haitumo komiu nangoseaka dota nu Magau Seta, pakeni nu kuasa-kuasa nadaa ri laerava. Iamo nombakuasai rara ntai ntona anu ledo natundu nte Alatala.

Efesus 4:22

Haitumo, komiu nipatuduki mombakabasaka katuvu njaemiu ante pokainggu nituntunimiu tempo komiu dopa nomparasaya i Yesus. Dota rara nadaa nituntunimiu tempo haitu nombabagiu komiu bo nompakagero katuvumiu.

Kolose 1:21

Bara ipia komiu muni natuvu nantubengosi Alatala. Komiu nangeva Alatala sabana pekirimiu bo pokainggumiu nadaa.

1 Tesalonika 4:13

Sampesuvu-sampesuvu, patuju kami ala rasanimiu mpuu anu majadi ante topomparasaya anu namatemo, ala ledo masusa raramiu mpo tona ntanina anu ledo nanjarumaka matuvu mpanjili nosanggani-nggani nte Alatala.

1 Tesalonika 5:6

Jadi kita kana mainga bo manoto rarata, nee mamonjo-monjo mpo tona da natuvu ri kalandana.

1 Timotius 6:9

Tapi tona madota majadi makalumana mambela pesori. Ia ratoliani mpengaya-ngaya dota rara nadaa bo nadoyo, bo dota-dota haitu mompakagero katuvuana, mompakanavu ia, bo mompakaropu ia

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.

1 Petrus 1:14

Komiu kana matuvu mpo ana-ana nu Alatala anu natundu nte Ia. Nee mangoseaka dota raramiu nadaa anu nombakuasai komiu tempo komiu da natuvu ri kalandana.

2 Petrus 2:14

Ira bate-batena naino mompogau sambara mombine nikitara. Ledo nabasa-basa ira novia dosa! Ira nombaopa tona ledo naroso pomparasayana ala movia dosa. Bo najadi kabiasara nario mata ante ledo ria kabasa-basana. Ira mpuu-mpuu tona nasurukavu!

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.

1 Yohanes 2:16

Apa pura-pura riara dunia, evamo dota rarata nadaa, anu nikitata bo nipoino rarata, bo pura-pura anu nompakalanga rarata, haitu puramo ledo nopuna lako nte Alatala tapi aga nopuna lako ri dunia nadaa.

1 Yohanes 2:8

Naupa ivesia, parenta haitu nireke parenta nabaru, bo kabaruna mpuu-mpuu nikita ri katuvu i Kristus bo ri katuvumiu. Apa i Kristus reme nakana lako nte Alatala bo reme haitu nevanta riara kalandana sampe kalandana nompamula nalipo.