Efesus 2:17 - Kaili Ledo

¹⁷ Haitumo sabana i Kristus nakava nompatolele kareba posinggabelo ka kita pura-pura, haitumo, ka komiu tona ledo toYahudi anu nakavao lako nte Alatala bara ipia, bo muni ka kami toYahudi anu napara nte Alatala.

Efesus 2:17 ပူးပေါင်းရင်းမြစ်များ

Matius 10:13

Ane mabelo rara ntupu banua haitu bo ratarimara komiu, belo niperapimiu lako nte Alatala kana mambela nte ira. Tapi ane ledo mabelo rarara bo ledo ratarimara mabelo komiu, belo niperapimiu ka ira haitu ledo mambela nte ira.

Lukas 15:8

I Yesus nompapola tesaNa ante porapa ntanina ivei: “Rapana maria mombine ante doi salaka sapulu-mpekana. Ane malipo sampeka, nuapa rapoviana? Natantu ratunjuna poindo bo rasaevena banuana mangelo pakabelo sampe rakavana doi nalipo haitu.

Lukas 2:14

“Ratoiyamo Alatala ri suruga! Bo ri dunia, tona nipokonoa nu Alatala manggava katuvua nabelo!”

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Suro-Suro 2:39

Apa Alatala nojanji mombadekei Nosa Gasa ka komiu pura-pura, bo ka muli nu mulimiu, bo ka tona ri ngata nakavao. PojanjiNa haitu ka pura-pura tona nipokio nTuputa Alatala majadi todeaNa.”

Roma 10:14

Tapi berimbamo tona mekakai nte i Pue ane dopa niparasayara Ia? Bo berimbamo ira momparasaya Ia ane dopa niepera karebaNa? Bo berimbamo raepera karebaNa ane dopa ria tona nompatolele kareba haitu ka ira?

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

2 Korintus 5:20

Jadi kami hii niposumba i Kristus. Ante potesa kami, Alatala mboto nompasimbayu tesaNa ka komiu. Jadi ante kuasa i Kristus kami merapi mpuu-mpuu nte komiu, posinggabelomo nte Alatala!

Efesus 4:21

Niepemiumo karebaNa, bo komiu nosangu rara nte Ia, jadi natantu komiu nipatudukika pepatuduki nakana anu notesaki i Yesus.