Efesus 2:12 - Kaili Ledo

¹² Bara ipia, dopa nisanimiu i Kristus. Komiu mpo tosangatana apa komiu ledo nosamporoa nte toYahudi anu nipelisi nu Alatala majadi todeaNa. Komiu ledo nanggava bagia riara pojanji nu Alatala ka todeaNa. Komiu aga natuvu bayangi riara dunia hitu bo ledo nisanimiu Alatala, bo ledo ria panjarumakamiu nuapa-nuapa.

Efesus 2:12 ပူးပေါင်းရင်းမြစ်များ

Lukas 1:72

NijanjiNa muni mompoasi totuata nggaulu, bo mompakadupa pojanjiNa naroso ka ira.

Yohanes 10:16

Da nariapa bimba-bimbaKu ntanina anu dopa nesua riara gimpu hitu. Ira muni kana Kukeni tumai. Ira mombatalingai suaraKu bo pura-pura bimbaKu majadi salunu rapoevu ntona saito.

Yohanes 15:5

Yakumo hii valaa anggur bo komiumo tu tinggu-tingguna. Ane komiu maroo mosangu rara nte Yaku bo Yaku maroo mosangu rara ante komiu, komiu movua madea. Tapi ane komiu mogaa lako nte Yaku, ledo rapakulemiu movia nuapa-nuapa.

Yohanes 4:22

Komiu toSamaria ledo nisanimiu mpuu Alatala. Tapi kami toYahudi nisani kami isema nisomba kami, apa Magau Topompakasalama manusia meumba lako nte kami toYahudi.

Suro-Suro 2:39

Apa Alatala nojanji mombadekei Nosa Gasa ka komiu pura-pura, bo ka muli nu mulimiu, bo ka tona ri ngata nakavao. PojanjiNa haitu ka pura-pura tona nipokio nTuputa Alatala majadi todeaNa.”

Suro-Suro 28:20

Jadi haitu sampe yaku nerapi mosintomu ante komiu. Yaku madota mombatesa ka komiu parakaraku hitu. Kakanana yaku hii nibalanggu sabana yaku nomparasaya Magau Topepakasalama anu nitongorakata ntoIsrael pura-pura.”

Suro-Suro 3:25

Janji-janji nu Alatala anu nipasimbayu nu nabi-nabi, nambela komiu sii-sii. Pojanji nipovia nu Alatala nte totuamiu nggaulu nambela muni nte komiu. Alatala nojanji ka Nabi Abraham, totuata nggaulu ivei: ‘Lako ri mulimu ngena, Kudekei belo ka pura-pura manusia ri dunia.’ Kajadia 22:18; 26:4 Jadi sampesuvu-sampesuvu, komiumo nantarima belo nijanji nu Alatala haitu!

Roma 9:8

Batuana, ledo sambara tona nipomulika lako ri karo i Abraham najadi ana-ana nu Alatala. Aga tona nipoanaka nangoseaka pojanji nu Alatala najadi ana-ana nu Alatala mpuu.

Galatia 4:8

Bara ipia, dopame nisanimiu Alatala, komiu nipobatua nu tupu-tupu ntanina anu nisarumakamiu nakuasa, tano mai, ledo Alatala.

Efesus 2:19

Jadi, sampesuvu-sampesuvu ledo toYahudi, bara ipia komiu aga nireke ntona tosangatana, bo ledo todea nu Alatala. Tapi sii-sii domo ivesia. Sii-sii komiu nosamporoa nte todea nu Alatala. Komiu najadi nosambanua ante pura-pura ana-ana nu Alatala.

Efesus 4:18

bo ledo nipahara nuapa-nuapa. Katuvu nabaru lako nte Alatala ledo naria nte ira sabana ledo ntoto nisanira pepatuduki nakana anu notesaki Alatala. Ledo nisanira sabana nakaa bagara.

Kolose 1:21

Bara ipia komiu muni natuvu nantubengosi Alatala. Komiu nangeva Alatala sabana pekirimiu bo pokainggumiu nadaa.

Kolose 1:27

Apa dota nu Alatala ala rasani ntodeaNa kabelo bo kaoge niaNa ka pura-pura manusia. NiaNa haitumo: i Kristus natuvu riara ntaita, jadi nisanita kita mpuu-mpuu matuvu mabelo nte Alatala sampe ri kasae-saena.

Kolose 1:5

Komiu nomparasaya bo nepotove sabana komiu bate-batena nanjarumaka Alatala bo nantongoraka anu nipakasadiaNa ka komiu ri suruga. Anu nisarumakamiu haitu niepemiumo tempo Kareba Belo nipatolele ka komiu bara ipia. Kareba Belo haitu mpuu-mpuu nakana

1 Tesalonika 4:13

Sampesuvu-sampesuvu, patuju kami ala rasanimiu mpuu anu majadi ante topomparasaya anu namatemo, ala ledo masusa raramiu mpo tona ntanina anu ledo nanjarumaka matuvu mpanjili nosanggani-nggani nte Alatala.

1 Tesalonika 4:5

Nee aga matuvu nte bereimiu mangoseaka dota nu rara mabuga, anu biasa najadi nte tona ledo nosisani nte Alatala.

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

1 Timotius 1:1

Timotius nipotoveku; iko mpuu-mpuu nirekeku anaku mboto sabana kita sampomparasaya: Sura hitu lako nte yaku Paulus, suro i Yesus Kristus. Yaku najadi suroNa nangoseaka parenta nu Alatala anu nompakasalama kita, bo nangoseaka parenta i Yesus Kristus anu nisarumakata. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

Ibrani 11:34

Sanu ira nompepaya apu narega mpuu, bo nadea ngganimo ira nikabasaka lako ri tona nasadia mombatimbe ira. Tempo ira nalente, nipakaroso mpanjili. Ira najadi naroso riara posieva sampe nipakulera nombadagi tantara-tantara ntosangatana.

Ibrani 6:18

Pojanji bo posumpaNa haitu ledo mabali. Alatala ledo ntoto nodava. PatujuNa nojanji ivesia ala kita anu nekisaliku nte Ia maroso rarata sampe kita maroo manjarumaka anu nijanjiNa haitu.

Ibrani 8:6

Tapi i Yesus nanggava pokarajaa nanggeni pesomba anu nabelopa pade pokarajaa ntopanggeni pesomba ri dunia hitu anu nangoseaka Atura-atura agama nggaulu. Bo ivesia muni pojanji nabaru anu nipasiayuNa ri olo nu Alatala bo manusia nelabipa kabelona pade pojanji nokolu, sabana pojanji nabaru nipovia nangoseaka janji-janji tobelona.

1 Petrus 1:21

Iamo sampe komiu nomparasaya Alatala. Alatala nompakatuvu mpanjili Ia lako ri kamateNa bo nombadekei kuasa bo kaoge nipokumaaka ka Ia. Jadi haitumo sampe komiu nomparasaya bo nanjarumaka Alatala.

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.

1 Petrus 3:15

Tapi bilamo i Kristus riara ntaimiu bo pakaoge Ia sabana Ia Tupumiu nagasa. Bo ane rapekutana ntona komiu, nuapa sabana komiu nanjarumaka i Pue, komiu kana masadia mesana ka ira. Bo pesanamiu haitu kana rapovia ante ede rara bo ante tesa-tesa nalusu.

1 Yohanes 3:3

Isema-sema manjarumaka majadi masimbayu mpo i Kristus, ia kana mombajagai pokaingguna ala katuvuna mpuu-mpuu magasa masimbayu mpo katuvu i Kristus.