Efesus 1:9 - Kaili Ledo

⁹ Alatala nompopaisani ka kita niaNa anu dopa nisani nu manusia bara ipia. Nangoseaka dotaNa mboto, Alatala nompakatantu lako ri nggauluname ala niaNa haitu rapakadupa i Kristus

Efesus 1:9 ပူးပေါင်းရင်းမြစ်များ

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

Lukas 12:32

I Yesus nompapola tesaNa ivei: “Nau ledo nadea komiu anaguruKu, nee maeka, sabana komiu nipelisi nTuamamiu Alatala, lako ri kabelo raraNa ala komiu moparenta mosanggani-nggani nte Ia riara poparentaNa.

Lukas 2:14

“Ratoiyamo Alatala ri suruga! Bo ri dunia, tona nipokonoa nu Alatala manggava katuvua nabelo!”

Suro-Suro 13:48

Tempo tona ledo toYahudi ri sia nangepe tesa haitu, nadamba mpuu rarara bo niulira, “Nabelo mpuu Tesa nu Alatala!” Isema-sema nipelisi nu Alatala manggava katuvua mabelo sampe ri kasae-saena, iramo nomparasaya i Yesus.

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 4:28

Ira nasintuvu nompatesi i Yesus. Tapi kakanana anu nipoviara aga nompakadupa anu nipakatantuMiu mami lako ri pamulana nangoseaka kuasaMiu bo dotaMiu.

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Roma 8:28

Bara nuapa-nuapa majadi, nisanita Alatala nompasiayuna ala manggeni belo ka kita topompotove Ia, haitumo kita anu nipokioNa majadi todeaNa nangoseaka niaNa mboto.

1 Korintus 1:21

Alatala napande mpuu, bo nipakatantuNa manusia ledo mamala mosisani ante Ia ane aga manjarumaka kapandera mboto. Tapi nibotusiNa mompakasalama isema-sema momparasaya Kareba Belo nipatolele kami. Tano mai tona ri dunia nanguli Kareba haitu aga tesa ntodoyo.

Galatia 1:12

Kareba Belo ledo nitarimaku lako nte manusia, bo ledo muni manusia nompatuduki yaku. Tapi i Yesus Kristus mbotomo nompopaisani Kareba Belo haitu ka yaku.

Galatia 1:15

Tapi dopame yaku nipoanaka, Alatala nompelisi yaku bo nompokio yaku majadi suroNa lako ri kabelo nu raraNa.

Galatia 1:16

Ia nompopaisani AnaNa i Yesus ka yaku ala yaku mamala mompatolele Kareba Belo anu notesaki AnaNa haitu ka tona ledo toYahudi. Tempo yaku nipokio nu Alatala, yaku ledo kaliu-liu hau nte manusia merapi rapatuduki, apa i Yesus mbotomo nompopaisani Kareba haitu ka yaku.

Efesus 1:11

Alatala novia mpengaya-ngaya nangoseaka patujuNa bo pobotusiNa mboto. Jadi, nangoseaka pobotusiNa lako ri lamba pamulana, Alatala nompelisi kita, apa patujuNa kita majadi todeaNa lako ri posangu rarata nte i Kristus.

Efesus 1:8

ToveNa haitu nipopelabiNa ka kita bo Ia muni mpuu-mpuu nompakanoto rarata bo nompopaisani patujuNa ka kita.

Efesus 3:11

Alatala novia pura-pura haitu nangoseaka patujuNa anu nipakatantuNa mami lako ri lamba pamulana. Bo patujuNa haitu nipakadupaNa ante kakava nTuputa Yesus Kristus.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

2 Timotius 1:9

Alatala nompakasalama kita bo nompokio kita majadi todeaNa nagasa. Kita nipakasalama ledo sabana pompasimbukuta mboto, tapi sabana nia nu Alatala bo pepotoveNa. Ri lamba pamulana dopame dunia nipajadi, Alatala nonia mamimo mompopakita pepotoveNa ante anu rapovia i Yesus Kristus.