Efesus 1:8 - Kaili Ledo

⁸ ToveNa haitu nipopelabiNa ka kita bo Ia muni mpuu-mpuu nompakanoto rarata bo nompopaisani patujuNa ka kita.

Efesus 1:8 ပူးပေါင်းရင်းမြစ်များ

Matius 11:19

Yaku, Ana nu Manusia nakava nangande bo nanginu uve anggur eva tona biasa, tapi niuli ntona, ‘Peintamo tona haitu! Nadoko, nalangu, vega ntopesingara balasitee bo vega ntodosa!’ Tapi nau ivesia, nisanita kanoto nia nu Alatala sabana aselena nikita ri pokainggu ntopangoseaka Ia.”

Roma 11:33

Nambaso mpuu kabelo nu Alatala! NotoNa bo pangisaniNa ledo ria pantaana! Ledo ria saitoa nompakule mombapaha pobotusiNa, atau mompakalanto anu nipoviaNa.

Roma 5:15

Tapi asele anu nipovia i Adam bo asele anu nipovia i Yesus nosisala muni. Pedekei bayangi nidekei nu Alatala ka kita naogepa pade peliunaka i Adam. Lako ri peliunaka i Adam, pura-pura manusia mamate. Tapi naogepa pepotove nu Alatala bo pedekeiNa ka manusia. Pedekei nu Alatala, haitumo, Ia nompakasalama manusia sabana anu nipovia i Yesus Kristus lako ri kabelo raraNa.

1 Korintus 2:7

Kapande nipatolele kami, iamo kapande lako nte Alatala. Kapande haitu ledo nisani ntona ri dunia. Tapi dopame dunia nipajadi, Alatala nonia mamimo mompopaisani kapandeNa haitu ka kita sii-sii. Haitu nipoviaNa ala manggeni belo ka kita.

Efesus 1:11

Alatala novia mpengaya-ngaya nangoseaka patujuNa bo pobotusiNa mboto. Jadi, nangoseaka pobotusiNa lako ri lamba pamulana, Alatala nompelisi kita, apa patujuNa kita majadi todeaNa lako ri posangu rarata nte i Kristus.

Efesus 1:7

Kita nikabasaka lako ri pehuku nu dosa sabana raa kamate i Kristus bo posangu rarata nte Ia. Dosata niampungi nu Alatala sabana toveNa anu nelabi kaogena.

Efesus 1:9

Alatala nompopaisani ka kita niaNa anu dopa nisani nu manusia bara ipia. Nangoseaka dotaNa mboto, Alatala nompakatantu lako ri nggauluname ala niaNa haitu rapakadupa i Kristus

Efesus 3:10

PatujuNa ala sii-sii pura-pura malaeka bo anu nakuasa ri langi mangisani notoNa nompasiayu mpengaya-ngaya, sabana rakitara niaNa haitu rapakadupa ante todea topomparasaya i Kristus.

Kolose 2:3

I Kristusmo topompopaisani pura-pura noto bo pangisani nu Alatala anu dopa nisani ntona.

Yudas 1:25

Aga Ia saito-itoNa Alatala. Iamo nompakasalama kita sabana anu nipovia nTuputa Yesus Kristus. Jadi ratoiyatamo Ia, apa Iamo Alatala anu nelabi kaogeNa, Magau nipokumaaka. Iamo nabaraka bo nakuasa lako ri lamba pamulana, sampe sii-sii, bo sampe ri kasae-saena! Amin! Tabe lako nte yaku, Yudas

Pompakita 5:12

Bo nodademo ira ante suara namangga ivei: “Ana Bimba anu nipatesi nggaulu, masipato ratesata kuasaNa bo kakalumanaNa, notoNa bo kabarakaNa. Iamo masipato rabila bo ratoiya bo rapakaoge.”