Efesus 1:3 - Kaili Ledo

³ Ratoiyata Alatala, Tuama nTuputa Yesus Kristus! NidekeiNa ka kita mpengaya-ngaya belo lako ri suruga sabana kita nosangu rara ante i Yesus Kristus.

Efesus 1:3 ပူးပေါင်းရင်းမြစ်များ

Lukas 2:28

Jadi niala i Simeon ngana haitu bo nisalungguna pade nitoiyana Alatala, ivei:

Yohanes 14:20

Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Roma 12:5

Ivesia muni kita topomparasaya i Kristus. Nau kita nadea, kita najadi sangu riara i Kristus. Bo kita nosidai mpo sipa-sipa nu karo.

Roma 15:6

ala komiu mosangu rara bo mosangu suara mompakaoge Alatala, Tuama nTuputa i Yesus Kristus.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

1 Korintus 12:12

Karota sangu nau mpengaya-ngaya sipana. Bo nau mpengaya-ngaya sipa, batena sangu karo. Ivesia muni kita topomparasaya i Kristus. Kita namala nirapaka sangu karo. Nau nadea ngayana kita, kita pura-pura aga sangu karo i Kristus.

2 Korintus 1:3

Ratoiyamo Alatala, Tuama nTuputa Yesus Kristus. Ia Tuamata anu naasi mataNa nanggita kita bo Iamo Alatala nompakaroso rarata riara mpengaya-ngaya.

2 Korintus 11:31

Alatala, Tuama nTuputa i Yesus, Iamo masipato ratoiya sampe ri kasae-saena! Bo nisaniNa anu nitesaku hitu nakana, yaku ledo nodava!

2 Korintus 5:17

Ane tona nosangu rara ante i Kristus, ia najadi manusia nabaru. Katuvuna nggaulu naliumo bo katuvuna nabaru mpuu-mpuu nariamo.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Galatia 3:9

I Abraham nomparasaya bo Alatala nombadekei belo ka ia. Jadi ivesia muni pura-pura tona natuvu nomparasaya Alatala, radekeika belo muni nasimbayu ante belo nidekeiNa ka i Abraham.

Efesus 1:10

ri tempo nipakatantuNa. Iveimo niaNa haitu: pura-pura anu naria ri suruga bo ri dunia rapoposinggabeloNa lako ri posangu rarara nte i Kristus, bo i Kristus mombabalenggai pura-pura.

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

Efesus 1:20

Kuasa haitumo kuasa nabaraka nipakeNa tempo nipakatuvuNa mpanjili i Kristus lako ri kamateNa bo nidekeiNa kuasa ka Ia bo ponturo nibila ri pangganaNa ri suruga.

Efesus 2:6

Bo kita nianggatakaNa ala kita muni momparenta mosanggani-nggani ante i Yesus Kristus ri suruga sabana kita nosangu rara ante Ia.

Efesus 3:10

PatujuNa ala sii-sii pura-pura malaeka bo anu nakuasa ri langi mangisani notoNa nompasiayu mpengaya-ngaya, sabana rakitara niaNa haitu rapakadupa ante todea topomparasaya i Kristus.

Efesus 6:12

Apa kita ledo nangeva manusia. Kita nangeva kuasa-kuasa bo pomarenta-pomarenta nadaa anu ledo nikita. Kita nangeva malaeka-malaeka nadaa anu nakuasa ri dunia hitu. Kita nangeva mpengaya-ngaya seta bo anu daa ri laerava.

Filipi 2:11

bo pura-pura ira mompangaku i Yesus Kristusmo Tupura. Ivesiamo, ira mombabila bo mombatoiya Tuamata Alatala.

Ibrani 8:5

Pokarajaa nipoviara kakanana aga gambara bo vayo lako ri anu naria ri suruga. Haitu sampe tempo Nabi Musa nggaulu nasadia novia Tenda nTupu ri karava bai, Alatala nompopatora ka ia ivei: “Toramo! Pura-pura haitu kana mupovia mangoseaka jonjo nipopakitaKu ka iko ri bavo nu bulu.”

Ibrani 9:23

Jadi Tenda nTupu bo pura-pura ganana anu nogambarai anu naria ri suruga, kana nipakagasa ivesia. Tapi anu naria ri suruga, paraluu rapakagasa ante pesomba anu nelabipa kabelona.

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.