Efesus 1:23 - Kaili Ledo

²³ bo kita todea topomparasaya nirapaka karoNa. Todea topomparasaya nipakagana i Kristus anu nompakagana pura-pura nuapa naria, ri umba-umba ri dunia bo ri suruga.

Efesus 1:23 ပူးပေါင်းရင်းမြစ်များ

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Roma 13:5

Haitu sabana kita masipato mangoseaka parenta nu pomarenta. Kita matundu ala ledo rapambela pehuku. Tapi ledo aga haitu, kita muni matundu sabana pekiri rara ntaita mboto nanguli kita masipato matundu nte pomarenta.

1 Korintus 12:6

Bo naria mpengaya-ngaya cara Alatala nompopakita kuasaNa riara nggatuvuta bo aga saito Alatala nokarajaa riara ntaita pura-pura bo nombatulungi kita riara mpengaya-ngaya.

1 Korintus 15:28

Tempo pura-pura anu naria mekou nte i Kristus, Ia mboto mekou nte TuamaNa, apa evamo niuliku pangane Alatalamo anu nompopekou pura-pura nte Ia. Kaupuna Alatala moparenta mpengaya-ngaya anu naria.

Efesus 2:16

Lako ri kamateNa ri kayu salib, i Kristus nompopakasangu toYahudi bo tona ledo toYahudi, bo nompoposinggabelo pura-pura kita nte Alatala bo nompakaupu pura-pura posievata.

Efesus 3:10

PatujuNa ala sii-sii pura-pura malaeka bo anu nakuasa ri langi mangisani notoNa nompasiayu mpengaya-ngaya, sabana rakitara niaNa haitu rapakadupa ante todea topomparasaya i Kristus.

Efesus 4:10

Bo i Kristus anu nanau haitu, Ia muni neore hau ri ponturo anu nalangapa pade pura-pura anu ntanina ri langi, ala Ia mamala maria ri umba-umba.

Efesus 4:12

NipaleleNa pedekei haitu ala kita todea nu Alatala rapakagana ala rapakuleta mantui pokarajaa nu Alatala. PatujuNa muni ala kita anu najadi karo i Kristus mantambai karosota,

Efesus 4:13

sampe kaupuna kita pura-pura mpuu-mpuu mosangu rara sabana kita nomparasaya Ana nu Alatala bo mpuu-mpuu nosisani nte Ia. Bo kita pura-pura mantambai manoto, bo pomparasayata mantambai maroso sampe domo makura nuapa-nuapa. Bo kita majadi nasimbayu mpo i Kristus mboto, nanoto bo naroso.

Efesus 4:4

Pura-pura kita topomparasaya i Kristus najadi sangu karo i Kristus. Bo sangu Nosa Gasa nu Alatala anu naria riara ntaita pura-pura. Ivesia muni panjarumakata aga sangu, haitumo kita pura-pura nipokio nu Alatala matuvu mosanggani-nggani nte Ia sampe ri kasae-saena.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

Kolose 2:19

Tona haitu domo nanjarumaka i Kristus. Tano mai, i Kristusmo nirapaka Balengga ntopomparasaya, bo kita anu nomparasaya nirapaka karoNa. I Kristusmo nompiara karoNa bo nompopakasangu todeaNa nasimbayu mpo uva bo oyu nipasiumpu bo nompoposidumpa buku-buku majadi sangu karo. Jadi Iamo nanggeniaka karoNa, haitumo todeaNa, nantambai naroso, nangoseaka dota nu Alatala.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

Kolose 3:15

I Kristus nompoposinggabelo kita. Jadi nee rapoviata anu mombagerosi posinggabelo haitu, sabana kita nipokio nu Alatala ala kita pura-pura matuvu mosinggabelo mpo sipa-sipa nu karo sangu. Bo nee menonto motarima kasi nte Alatala.