Efesus 1:10 - Kaili Ledo

¹⁰ ri tempo nipakatantuNa. Iveimo niaNa haitu: pura-pura anu naria ri suruga bo ri dunia rapoposinggabeloNa lako ri posangu rarara nte i Kristus, bo i Kristus mombabalenggai pura-pura.

Efesus 1:10 ပူးပေါင်းရင်းမြစ်များ

Matius 25:32

Bo pura-pura manusia rapasiromu ri ngayoKu bo Yaku mogaaraka ira majadi rolunu, nasimbayu mpo topoevu nogaaraka bimbana bo tovauna.

Markus 1:15

NiuliNa, <>

1 Korintus 10:11

Haitu pura-pura najadi nte ira ala mompopatora ka tona ntanina. Bo kajadia-kajadia haitu nitulisi riara Buku Gasa ala majadi pepatora ka kita anu natuvu sii-sii ri tempo napara kaupu nu dunia.

1 Korintus 11:3

Tapi hitu paraluu rasanimiu: langgai pakeni nu bereina mombine, i Kristus pakeni nu langgai, bo Alatala pakeni i Kristus.

Galatia 4:4

Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.

Efesus 1:22

Pura-pura anu naria nipopekou nu Alatala nte i Kristus. Bo nianggatakaNa i Kristus majadi Pakeni pura-pura anu naria, bo i Kristus nomparenta todea topomparasaya Ia. I Kristus nirapaka Balengga ntodea topomparasaya,

Efesus 3:15

Iamo Tuama nu pura-pura anu naria, nau kita ri dunia, nau isi suruga.

Efesus 3:2

Natantu niepemiumo Alatala nombadekei ka yaku pokarajaa mompatolele Kareba Belo ka komiu tona ledo toYahudi. Pokarajaa haitu nidekeiNa ka yaku lako ri kabelo nu raraNa.

Kolose 1:16

Apa Iamo nipopale nu Alatala nompajadi pura-pura anu naria ri suruga bo ri dunia, anu nikita, bo anu ledo nikita. Pura-pura malaeka nu Alatala bo seta-seta, pura-pura anu nakuasa bo anu nipakakuasa, nipajadi i Kristus ante kuasa nu Alatala, ala pura-pura haitu mombabila bo mompakaoge Ia.

Kolose 1:20

Bo dotaNa muni, AnaNa mompoposinggabelo pura-pura anu nipajadiNa nte Ia. Pura-pura anu nipajadi nu Alatala, nau ri dunia, nau ri suruga, pura-pura nosinggabelo mpanjili ante Ia sabana raa nu AnaNa anu natiti tempo Ia nipatesi ri kayu salib.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

Ibrani 1:2

Tapi ri tempo nggapuri hitu AnaNa mbotomo nompasimbayu tesaNa ka kita. AnaNa haitu nipopale nu Alatala nompajadi dunia, bo Alatala nompakatantu AnaNa haitumo masipato majadi tupuna pura-pura anu naria.

Ibrani 11:40

sabana naria nia nabelopa nipakasadia nu Alatala ka kita pura-pura. PatujuNa ala ira mompopea sampe kita pura-pura mosanggani-nggani rapajadi magasa bo ledo makura nuapa-nuapa.

Ibrani 9:10

Atura-atura haitu aga nosinggambela ante kandea, panginu bo mpengaya ada pediu. Atura-atura haitu aga nosinggambela ante karota, ledo nosinggambela ante rara ntaita, bo atura-atura haitu aga nipake sampe makava tempona Alatala movia pojanji nabaru.

1 Petrus 1:20

Dopame dunia nipajadi, Ia nipakatantu nu Alatala mami majadi topantolo dosa manusia. Bo ri tempo sii-sii napara kaupu nu dunia Ia nakava ri dunia hitu mompakasalama komiu.

Pompakita 5:9

Totua-totua gahaitu nodade sanggayu dade nabaru ka Ana Bimba ivei: “Komiumo masipato mangala sura haitu bo mombabuka populuna. Sabana, Komiu nipatesi bo ante raa nggamateMiu haitu nitoloMiu manusia lako ri njumangu dunia majadi todea nu Alatala, haitumo tona lako ri pura-pura ngata, bo lako ri pura-pura valaa bo tona lako ri mpengaya-ngaya basa ri dunia.