3 Yohanes 1:7 - Kaili Ledo

⁷ Apa sampesuvuta haitu nanggeni kareba i Kristus bo ledo ria nuapa-nuapa nitarimara lako nte tona anu ledo nosisani nte Alatala.

3 Yohanes 1:7 ပူးပေါင်းရင်းမြစ်များ

Yohanes 15:21

Pura-pura haitu rapoviara ka komiu sabana komiu najadi topangoseaka Yaku, apa ledo nisanira mpuu Alatala anu nantudu Yaku.

Suro-Suro 20:33

Ledo ria sanggania nario mataku ka doi bara ka pakea ntona.

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

Suro-Suro 8:4

Topomparasaya nasimpotare haitu, nompatolele kareba lako nte Alatala ri umba-umba.

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

1 Korintus 9:18

Jadi nuapa tamboku? Nadamba raraku nompatolele Kareba Belo ledo nerapi gaji bo ledo muni nerapi petulungi anu masipato kutarima lako ri pokarajaaku nompatolele Kareba Belo. Kadambaku haitumo nirekeku tamboku.

2 Korintus 12:13

Ledo nipoposisalaku komiu ante todea topomparasaya ntanina. Aga sangaya ledo nipoviaku nte komiu, haitumo yaku ledo nekitanggu nte komiu. Nipekirimiu nasala yaku novia ivesia? Ledo ntoto!

2 Korintus 4:5

Kareba nipatolele kami haitu ledo kareba karo kami mboto. Tapi kareba haitu nompakalanto i Yesus Kristusmo Tuputa pura-pura, bo kami hitu najadi batua nisuro i Yesus mombatulungi komiu.

Filipi 2:9

Haitumo sabana Alatala nanganggataka Ia ri ponturo naogepa ri suruga bo nombadekei kuasa ka Ia anu naogepa pade pura-pura kuasa ntanina.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

3 Yohanes 1:8

Jadi, masipato kita topomparasaya mombatulungi ira, bo ane nitulungita ira, nasimbayu mpo niporoata muni ira nompatolele pepatuduki nakana lako nte Alatala.

Pompakita 2:3

Komiu mpuu-mpuu nosabara. Komiu nipandasa ntona sabana pomparasayamiu, bo ledo naupu raramiu nangoseaka Yaku.