2 Timotius 4:8 - Kaili Ledo

⁸ Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

2 Timotius 4:8 ပူးပေါင်းရင်းမြစ်များ

Matius 24:36

“Ane eo bo jaa kakavaKu ngena, aga TuamaKu ri suruga, nangisanina. Ledo ria saitoa nangisanina, ledo nisani nu malaeka ri suruga bo Yaku mboto, Ana nu Alatala, ledo nisaniKu.

Matius 7:22

Ri Eo Potangara bara maipia madea tona manguli ka Yaku, ‘Pue, Pue! Kami nompasimbayu tesaMiu ka tona ntanina ante kuasaMiu bo ante kuasaMiu muni kami nompopalai seta-seta lako nte tona. Bo nadeamo kabaraka nipovia kami nte kuasaMiu!’

Lukas 10:12

Pade nanguli i Yesus ka ira pitupulu, “Pariaramo! Ri Eo Potangara ri kaupu dunia, melabipa kadaana pehuku nu Alatala ka tona haitu pade pehuku rapambela ka toSodom nadaa mpuu.”

Roma 2:5

Tapi nau nisanimiu tona nokainggu nadaa kana rahuku, da nakaa bagamiu, bo komiu ledo nadota najea. Sabana haitu, komiu mbotomo nantambai kantamo nu pehuku rapambela ka komiu ri Eo Potangara. Ri Eo Potangara Alatala mombatangara pura-pura manusia ante nanoa bo Ia mombahuku pura-pura tona novia nadaa.

Roma 8:23

Ledo aga dunia nandasa, tapi kita topomparasaya muni nandasa nirasaita, nantongoraka tempona Alatala mombakabasaka karota lako ri kuasa kamatea, bo mombadekei belo ka kita ana-anaNa. Nisanita tempo haitu kana makava, sabana nitarimatamo Nosa Gasa nu Alatala, tandana Alatala mpuu-mpuu mompakadupa pojanjiNa ka kita.

1 Korintus 2:9

Nau ledo nisani ntopoparenta ri dunia, Alatala nompopaisanina ka kita, evamo nitulisi riara Buku Gasa, “Dopa nikita nu manusia, dopa niepe ntalingara, bo dopa muni nesua ri pekirira pura-pura belo nipakasadia nu Alatala ka tona nompotove Ia.” Yesaya 64:4

1 Korintus 3:13

Rapana ane mapapu banua, tantu pareva nabelo nipake novia banua haitu maboli, tapi pareva ledo nabelo mapapu puramo. Ivesia muni ante pokarajaa ntopokarajaa ka Alatala. Kabelo nu pokarajaara saito-saito kana rapakalanto bara maipia tempo i Yesus makava mpanjili ri dunia. Pokarajaara haitu rauji nu Alatala ala malanto pokarajaara haitu bara mabelo bara ledo.

1 Korintus 9:25

Tona nantuntuni posilumba kana meguru mombakuasai karona mboto riara mpengaya-ngaya. Rapoviana ivesia ala manggava hadia padagi anu ledo mainti, haitumo sangaya talidangga bunga anu aga sampalai malelemo. Tapi kita hitu neguru mombakuasai karota ala rakavata hadia mainti sampe ri kasae-saena.

2 Korintus 5:2

Tapi tempo kita da natuvu ri dunia hitu nasumu rarata, naoge rarata manggava karo nabaru lako ri suruga.

Filipi 3:11

ala yaku muni mamala rapakatuvu mpanjili lako ri kamateku.

Kolose 1:5

Komiu nomparasaya bo nepotove sabana komiu bate-batena nanjarumaka Alatala bo nantongoraka anu nipakasadiaNa ka komiu ri suruga. Anu nisarumakamiu haitu niepemiumo tempo Kareba Belo nipatolele ka komiu bara ipia. Kareba Belo haitu mpuu-mpuu nakana

1 Tesalonika 1:10

Nitesara muni berimba komiu nanjarumaka kakava i Yesus, Ana nu Alatala lako ri suruga. Ia nipakatuvu nu Alatala mpanjili lako ri kamateNa. Bo Iamo nombakabasaka kita lako ri pehuku nu Alatala anu rapambela ka tona nadosa bara maipia.

1 Tesalonika 5:4

Tapi komiu ledo natuvu ri kalandana mpo tona ledo nisanina nuapa-nuapa. Jadi komiu ledo rapakatikaja ane sampesanika i Yesus meonga mpo topangangga bongina.

2 Tesalonika 2:8

pade meumba Topesapuaka. Tapi tempo i Pue Yesus meonga ante kuasaNa nareme, kuasa nTopesapuaka malipo sanggani, bo i Pue Yesus mompatesi ia ante nosa lako ri sumbaNa.

1 Timotius 6:19

Ane ivesia pokainggura, namala raulita ira nompasiromu kakalumana ri suruga, anu mamala rasarumakara ri tempo makava, bo rakavara katuvu nabelo sampe ri kasae-saena.

2 Timotius 1:10

Bo sii-sii nakavamo i Yesus Kristus topompakasalama kita bo nikitata kambaso pepotove nu Alatala ka kita. Lako ri Kareba Belo nisanita i Kristus nombadagi kuasa kamate, bo nombadekei katuvua nabelo anu ledo maupu-upu.

2 Timotius 1:12

Bo yaku nombarasai pura-pura kasusa riara ntarunggu hitu sabana pokarajaaku nompatolele Kareba Belo. Tapi naupa ivesia, ledo naeya mataku, sabana niposisanikumo i Yesus anu nisarumakaku, bo nisanikumo Ia nompakule nombajagai yaku sampe ri Eo Potangara ri kaupu nu dunia.

2 Timotius 1:18

Nisanimu nadea mpuu petulungina ka yaku ri ngata Efesus. Kuperapi i Pue Yesus mompoasi i Onesiforus ri Eo Potangara ri kaupu nu dunia.

2 Timotius 2:5

Topomore ledo mamala majadi padagi ane ia ledo matundu ri atura-atura nipakatantu.

2 Timotius 4:1

Timotius, petevai hitu niuliku nte mpuu-mpuu raraku. Makava tempona i Yesus Kristus makava mpanjili momparenta ri dunia hitu, bo ratangaraNa pura-pura manusia, tona da natuvu bo tona namatemo. Jadi, kuuli ka iko ri ngayo nu Alatala bo i Yesus Kristus anu nanggita pura-pura poviata:

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

Ibrani 12:11

Tantu tempo kita niboba bo nipatuduki, kita ledo nadamba tapi aga nasusa. Tapi ane rapariarata pepatuduki haitu, kaupuna kana maria aselena riara nggatuvuta, haitumo kita matuvu mangoseaka dota nu Alatala bo matinonto rarata.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

1 Petrus 1:4

Kita nanjarumaka manggava belo nipakasadia nu Alatala ka pura-pura todeaNa. Belo haitu ledo magero, ledo mapopo, ledo mabali, bo nijagaiNa ri suruga ka kita.

1 Petrus 5:4

Bo tempo i Kristus, Topoevu Nopoko, makava mpanjili ri dunia, radekeiNa ka komiu tambo, haitumo bagia ri kuasaNa bo kaogeNa anu ledo maupu-upu.

Pompakita 1:7

Peintamo! Ia makava nibungu kulimu. Ia rakita ntona pura-pura, nau ira anu nombatosu usuNa. Bo pura-pura valaa manusia ri dunia motumangi mpojea manggita Ia. Haitu mpuu-mpuu majadi! Amin!

Pompakita 19:11

Naupu haitu nikitaku suruga natebuka. Riara suruga nikitaku sangu jara bula. Topesavi jara haitu nosanga “Tona Natutu bo Nanoa.” Ia Topotangara bo Topeeva nanoa.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.

Pompakita 22:20

Bo i Yesus anu nompasimbayu pura-pura tesa hitu nanguli, “Nakana! Domo masae makavamo Yaku!” Amin! Maranata! Kakavamo, Pue Yesus!

Pompakita 4:10

ropulu bo ampa totua haitu nantaputu sampe ri tana ri ngayo nToponturo haitu. Ira nombasomba Ia anu natuvu sampe ri kasae-saena, bo nialara songgo bulava lako ri balenggara mboto bo nituura ri ngayo Gadera Kamagaua nu Alatala, tanda pobilara Ia. Bo niulira ivei:

Pompakita 4:4

Bo naria muni ropulu bo ampa gadera ntanina nantiku Gadera pangane. Gadera ntanina haitu niponturo ntotua ropulu bo ampa. Ira nopakea mputi bo nosonggo bulava.