2 Timotius 4:21 - Kaili Ledo

²¹ Pasimbukumo tumai dopame tempo ranindi. Nadea tabe lako nte i Ebulus, i Pudes, i Linus bo i Klaudia, bo lako nte pura-pura sampesuvuta sampomparasaya ri sii.

2 Timotius 4:21 ပူးပေါင်းရင်းမြစ်များ

Lukas 12:58

Rapana, ane komiu rapangadu ntona bo hau ri ngayo ntopotangara, agina komiu mosieloka belo nte topangadu haitu tempo komiu da ri tatanga dala. Nee sampe komiu rakenina mpuu ratangara ri ngayo ntopotangara bo topotangara haitu mombadekei komiu ka polisi ala rasuaraka riara ntarunggu.

1 Korintus 16:20

Nadea muni tabe lako nte pura-pura topomparasaya ri sii. Posipakavotekamo tabe saito-saito ante pepotove.

2 Korintus 13:13

Kuperapi Tuputa Yesus Kristus mombadekei belo ka komiu, bo Alatala mompotove komiu, bo Nosa Gasa nu Alatala mompakasangu komiu bo momporoa komiu pura-pura. Tabe lako nte yaku, Paulus

Filipi 4:22

Tarima muni tabe lako nte pura-pura todea nu Alatala ri ngata hitu, nelabipa ira lako ri banua Magau Mbaso Kaisar.

2 Timotius 1:4

Nitoraku kasusa raramu tempo kita nogaa bara ipia, bo nalentora mpuu raraku manggita iko ala yaku mpuu-mpuu madamba.

2 Timotius 4:13

Ane tumai iko, keni baju ranindiku anu niboliku ri ngata Troas ri banua i Karpus. Bo keni tumai muni buku-bukuku, nelabipa buku-buku nipovia lako ri kulimba.

2 Timotius 4:9

Pasimbukumo masalisa tumai nte yaku,

Titus 3:12

Ane makava i Artemas bara i Tikhikus anu kutudu tou nte iko ri situ ri Kreta ngena, pasimbukumo mosinggava nte yaku ri ngata Nikopolis, apa niaku monturo ri ngata Nikopolis sampe maupu tempo ranindi.

2 Yohanes 1:13

Nadea tabe lako nte ana-ana nu sampesuvumiu ri sii anu nipelisi nu Alatala. Tabe lako nte yaku, Yohanes

3 Yohanes 1:14

Nisarumakaku domo masae, yaku tou mosinggava nte iko bo mamala kita motesa ri mata.