2 Timotius 4:16 - Kaili Ledo

¹⁶ Tempo parakaraku nitangara paratama, ledo ria saitoa nombatulungi yaku; nepalaika puramo roa. Kuperapi Tupu ledo mombareke salara haitu.

2 Timotius 4:16 ပူးပေါင်းရင်းမြစ်များ

Markus 14:50

Naupu haitu nipalaika nu anaguruNa puramo Ia.

Lukas 12:11

Ane komiu rakeni ntona ri ngayo ntopotangara ri banua petupu, atau ri ngayo pomarenta sabana komiu nangoseaka Yaku, nee makini raramiu mompekirika nuapa raulimiu mombasaliku karomiu.

Yohanes 16:32

Pariaramo! Kana makava tempona, bo nakavamo tempo haitu, komiu mosimpogaa. Komiu simbo manjili hau ri banuamiu mboto mompalaisi Yaku saitoKu. Tapi Yaku ledo aga saitoKu sabana TuamaKu naria nosanggani-nggani ante Yaku.

Suro-Suro 22:1

“Sampesuvu-sampesuvu pura-pura. Epemo tesaku manjaliku karoku hitu!”

Suro-Suro 25:16

Tapi yaku nesana ka ira, ‘Nantuntuni atura kami todea Magau Mbaso, ane tona nipangaduka, ia kana mosintingayo ante tona nompangadu ia, bo radekeika loga manjaliku karona. Ane dopa rapovia ivesia, dopa mamala ia rahuku.’

Suro-Suro 7:60

Bo nantaputu ia bo nongare ante suara namangga, “Pue, ampungimo dosara hitu!” Naupu haitu, namatemo ia.

1 Korintus 13:5

Ia ledo nasodo nte roa bo ledo aga nangelo kabelo nu karona mboto. Ia ledo nasalisa narau bo ledo nompariara kasala nipovia ntona ka ia.

1 Korintus 9:3

Ane maria tona mompakasala yaku sabana pokaingguku mpo suro i Pue, ivei pesanaku:

2 Korintus 7:11

Kasusa raramiu nombaca suraku bara ipia mpuu-mpuu kasusa rara nangoseaka dota nu Alatala. Peintamo anu najadi! Lako ri kasusa rara nirasaimiu haitu, komiu mpuu-mpuu nadota movia anu nanoa. Niulimiu komiu ledo nosabingga ka tona nompoara kami. Naraumo komiu nompekirika dosa nipovia nu roamiu haitu, bo naekamo raramiu mangoseaka pokaingguna. Nalentoramo raramiu manggita yaku. Nioseakamiumo anu niuliku ka komiu. Nasadiamo komiu nombahuku tona nasala haitu. Riara mpengaya-ngaya nipopakitamiumo komiu ledo nasala riara parakara bara ipia.

Filipi 1:17

Tapi tona nasiriati pangane, ledo nagasa rarara nompatolele Kareba i Kristus sabana ira aga madota mompakaoge karora mboto. Nisarumakara poviara haitu mantambai kasusaku riara ntarunggu.

Filipi 1:7

Masipato yaku mantora komiu pura-pura ivesia, apa komiu mpuu-mpuu nipotoveku bo komiu pura-pura nantulungi yaku novia pokarajaa nidekei nu Alatala ka yaku. Komiu nasaro nantulungi yaku, tempo yaku nitarunggu sii-sii, bo muni tempo yaku nanjaliku Kareba Belo bara ipia bo nompakalanto ka tona Kareba Belo mpuu-mpuu nakana.

2 Timotius 1:15

Nisanimu pura-pura topomparasaya lako ri propinsi Asia nompalaisi yaku. Nau i Figelus bo i Hermogenes, nalai munimo.

2 Timotius 4:10

apa domo nadea tona nomporoa yaku. I Demas nompalaisi yaku sabana ia aga nompotove katuvuna ri dunia hitu. Nalai rou ri ngata Tesalonikamo ia. Bo i Kreskes rou ri propinsi Galatia, bo i Titus rou ri bagia Dalmatia.

2 Timotius 4:15

Iko mboto kana mainga nte ia sabana nievana mpuu pepatudukita.

1 Petrus 3:15

Tapi bilamo i Kristus riara ntaimiu bo pakaoge Ia sabana Ia Tupumiu nagasa. Bo ane rapekutana ntona komiu, nuapa sabana komiu nanjarumaka i Pue, komiu kana masadia mesana ka ira. Bo pesanamiu haitu kana rapovia ante ede rara bo ante tesa-tesa nalusu.