2 Timotius 4:13 - Kaili Ledo

¹³ Ane tumai iko, keni baju ranindiku anu niboliku ri ngata Troas ri banua i Karpus. Bo keni tumai muni buku-bukuku, nelabipa buku-buku nipovia lako ri kulimba.

2 Timotius 4:13 ပူးပေါင်းရင်းမြစ်များ

Matius 5:40

Bo ane maria tona manggeni komiu ri ngayo ntopotangara sabana madota mangala buyamiu, dekei ka ia muni bajumiu.

Suro-Suro 16:11

Kami nompalaisi ngata Troas bo nesavi kapala mbaso hau ri levuto Samotrake. Kamailena napolamo kami sampe nakava ri ngata Neapolis ri propinsi Makedonia.

Suro-Suro 16:8

Jadi nolipamo ira noliu ri bagia Misia sampe nakava ri ngata Troas ri bivi ntasi.

Suro-Suro 20:38

Nabuku mpuu rarara, sabana i Paulus nanguli ka ira, “Domo rakitamiu hanupa lenjeku!” Naliutaka sia, nikenira kami sampe ri kapala.

1 Korintus 4:11

Sampe sii-sii kami nasaro naara tai bo nabai tambolo. Kami nopakea nte sanjia-njia, kami niboba ntona bo ledo ria ponturo nikaroo kami.

2 Korintus 11:27

Nabundumo yaku nokarajaa ntamo. Nadea ngganimo yaku ledo nakapo namonjo, ledo nangande, ledo nanginu. Nadea ngganimo yaku nombatidamaka ara ntai bo nindi bo ledo nagana pakea.