2 Timotius 4:11 - Kaili Ledo

¹¹ Damo i Lukas naboli ri sii nte yaku. Ane tumai iko ngena, tuusaka muni i Markus, sabana ia mamala mombatulungi pokarajaaku ri sii.

2 Timotius 4:11 ပူးပေါင်းရင်းမြစ်များ

Matius 19:30

Tapi nadea tona narikolu sii-sii, majadi maripuri bara maipia. Bo nadea muni tona anu naripuri sii-sii, majadi marikolu bara maipia.”

Matius 20:16

Bo i Yesus nompakaupu porapa haitu ante nanguli, “Ivesia muni bara maipiapa, tona naede panggana sii-sii majadi tona malanga panggana. Bo nadea muni tona nalanga panggana sii-sii majadi tona maede panggana.”

Lukas 13:30

Pariaramo! Nadea tona naripuri sii-sii, majadi marikolu. Bo nadea tona narikolu sii-sii, majadi maripuri.”

Suro-Suro 12:12

Naupu nompekirika kajadia haitu, haumo ia ri banua i Maria, tina Yohanes-Markus. Ri banua haitu nadea tona nasiromu nosambaya.

Suro-Suro 12:25

Naupu i Barnabas bo i Saulus nanggeni pedekei ntoAntiokhia ka pakeni-pakeni ntopomparasaya ri ngata Yerusalem, nanjilimo ira hau ri ngata Antiokhia. Nikenira i Yohanes-Markus mosanggani-nggani nte ira.

Suro-Suro 15:37

Nangepe haitu nasitujumo i Barnabas. Ia madota manggeni i Yohanes-Markus muni,

Suro-Suro 15:39

Jadipa i Paulus bo i Barnabas nosinggarau mpuumo bo kaupuna ira nosimpogaamo. I Barnabas nangala i Markus bo ira nesavi kapala hau ri levuto Siprus.

Suro-Suro 16:10

Jadi naupu nikita i Paulus haitu, kaliu-liu nanggalivomo kami hau ri propinsi Makedonia, sabana nipekiri kami, Alatala mpuu-mpuu nantudu kami mompatolele Kareba Belo ka tona hamai.

Kolose 4:10

Tabe lako nte i Aristarkhus anu nosanggani ante yaku nitarunggu ri sii. Bo tabe lako nte i Markus sampesuvu i Barnabas. Toramo anu nitevaiku ka komiu bara ipia: ane ia tou nte komiu ri situ, tarimamo ia ante mabelo.

Kolose 4:14

Tabe muni lako nte Dokutoro Lukas anu nipotoveta, bo lako nte i Demas.

2 Timotius 1:15

Nisanimu pura-pura topomparasaya lako ri propinsi Asia nompalaisi yaku. Nau i Figelus bo i Hermogenes, nalai munimo.

2 Timotius 2:21

Jadi ane tona mombakabasaka pura-pura pokaingguna nadaa, ia majadi masimbayu mpo pareva bulava bo salaka rapake mombatande torata. Batuana, ia majadi topokarajaa anu nagasa bo noguna ka Tupuna, bo ia masadia movia mpengaya-ngaya pokarajaa nabelo.

Filemon 1:24

Tarima muni tabe lako nte roaku sampokarajaa, haitumo i Markus, i Aristarkhus, i Demas bo i Lukas.

1 Petrus 5:13

Tabe lako nte sampesuvumiu sampomparasaya anu naria ri sii ri ngata Babilon. Ira muni nipelisi nu Alatala nasimbayu mpo komiu. Bo tabe muni lako nte anaku i Markus.