2 Timotius 3:3 - Kaili Ledo

³ Ledo rasanira mepotove, ledo madota mosinggabelo, bo aga mompakadaa sanga ntona ntanina rapokonora. Ledo rapakulera mantaamaka dota nu rarara mboto. Ira mpuu-mpuu masoa bo mavuu matara manggita pura-pura anu nabelo.

2 Timotius 3:3 ပူးပေါင်းရင်းမြစ်များ

Matius 10:21

Makava tempona maria tona mombadekei sampesuvuna mboto rapatesi sabana sampesuvuna nomparasaya Yaku. Bo maria muni totua mombadekei anana mboto rapatesi. Bo ngana-ngana mangeva tina tuamara mboto bo mombadekei ira rapatesi.

Matius 4:1

11Naupu haitu i Yesus nikeni Nosa Gasa nu Alatala hau nantende ri karava bai ala rapesori Magau nu Seta.

Lukas 10:16

Pade nanguli i Yesus ka topangoseaka Ia, “Isema-sema nantarima tesamiu, nitarimana muni tesaKu. Isema-sema nompoara komiu, nipoarana muni Yaku. Bo isema-sema nompoara Yaku, nipoarana muni Alatala anu nombatudu Yaku.”

Lukas 16:14

ToFarisi nangepe pura-pura anu nitesa i Yesus pangane, aga nipongirikara i Yesus sabana ira topompotove doi.

Yohanes 6:70

Nesana i Yesus, “Yaku mbotomo nompelisi komiu sapulu randua tutu. Tapi naupa ivesia, naria saito komiu nipopale nu Magau Seta!”

Roma 1:29

Mpengaya-ngaya pekiri nadaa bo natenggo rarara. Ledo naosa rarara ante anu naria nte ira, navau rarara, nasiriati, nepatesi, nebagiu, bo nosinggarau. Ira nomboli rau rara, nantunturaka tona

Roma 1:31

Ira nadoyo, ledo namala raparasaya, ledo ria tovera bo ledo ria asi matara nanggita singgamanusiara.

1 Korintus 7:5

Nee mogaa mosampaturu ane ledo ria posimpoiyomiu njamboko. Ane rapana komiu mangelo loga mosambaya, ledo makuya komiu mogaa mosampaturu bara sakuya kasaena ane raposimpoiyomiu njamboko. Tapi ane maupumo tempo nipakatantu haitu, komiu kana manjili mosampaturu ala nee komiu rapesori Magau nu Seta mogau sala sabana komiu ledo mamala mantaamaka dota raramiu.

1 Korintus 7:9

Tapi ane ledo rapakulera mantaamaka dotara, agina moberei. Apa nabelopa moberei pade mandasa mantamaaka dota moberei.

1 Tesalonika 4:8

Jadi isema-sema nombasapuaka pepatuduki hitu, ledo manusia nisapuakana tapi Alatala anu nombadekei Nosa GasaNa ka komiu nisapuakana.

1 Timotius 3:11

Ivesia muni bereina kana mombine nabelo pokaingguna, ledo topetunturaka. Bo ia muni kana matau mantaamaka dota rarana mboto bo mokainggu nanoa sampe namala raparasaya riara mpengaya-ngaya.

Titus 1:8

Tona raanggataka majadi pakeni ntopomparasaya kana majoi rarana mantarima torata riara banuana, bo nompokono anu nabelo. Ia kana nanoto, nanoa, bo nagasa katuvuna, bo kana rapakulena mombatidamaka dota nu rarana mboto.

Titus 2:3

Ivesia muni ante totua-totua mombine. Patudukimo ira matuvu nte pokainggu nagasa anu masipato rapovia ntona natundu nte Alatala. Ulika ira nee mombatunturaka tona ntanina, nee sampe majadi batua ntule. Ira kana mompatuduki tona ntanina matuvu mabelo.

Yakobus 2:6

Tapi nau ivesia, da nisalaimiupa ira bo tona nakalumana nibilamiu. Tano mai, tona nakalumana nantamanaka komiu bo nangumbunjai komiu hau ri ngayo ntopotangara!

2 Petrus 2:14

Ira bate-batena naino mompogau sambara mombine nikitara. Ledo nabasa-basa ira novia dosa! Ira nombaopa tona ledo naroso pomparasayana ala movia dosa. Bo najadi kabiasara nario mata ante ledo ria kabasa-basana. Ira mpuu-mpuu tona nasurukavu!

2 Petrus 2:19

Guru-guru haitu nojanji ivei: “Ane raoseakamiu pepatuduki kami, komiu makabasaka lako ri atura-atura! Komiu mamala movia nuapa-nuapa rapodotamiu.” Tapi nau niulira makabasaka, ira mboto nikuasai pokainggu-pokainggu anu nompakarugi manusia. Apa tona nidagi dota rarana nadaa, batuana ia nipobatua nu dota rarana haitu.

2 Petrus 3:3

Anu nopoko kana ratoramiu, ri tempo napara kaupu nu dunia kana meumba tona nikuasai dota rarara mboto anu nadaa. Ira mompongeika komiu

Yudas 1:16

Guru-guru mpodava gahaitu batena nongau bo nompakasala tona ntanina. Ira natuvu nangoseaka dota rarara nadaa. Ira nangoe nompakalanga karora mboto bo notesa namomi ala raoseaka ntona dotara.

Yudas 1:18

Niulira ivei: “Ane maparamo kaupu nu dunia, kana meumba topesapuaka anu mompongei-ngeika pomparasayata. Ira aga mangoseaka dota rarara nadaa bo ledo raoseakara dota nu Alatala.”

Pompakita 13:15

Binata karanduana nidekeika kuasa mompopoinosa pinoito haitu sampe pinoito haitu namala motesa. Bo pinoito haitu momparenta isema-sema ledo madota mombasomba ia kana rapatesi.

Pompakita 13:17

Ledo ria saitoa tona namala mangali atau mompobalu nuapa-nuapa ane ledo naria tanda haitu ri palena atau ri kirena, haitumo sanga nu binata pamulana atau lamoro anu norapaka sangana haitu.

Pompakita 16:6

Apa tona gahaitu nompatesi bo nompakatiti raa nu nabi-nabiMiu bo raa ntodeaMiu. Tapi sii-sii Komiu nombabalasi ira ante nompopainu raa ka ira. Masipato mamimo pehuku hitu ka ira!”

Pompakita 17:6

Bo nikitaku mombine haitu nalangu sabana nanginu raa ntodea nu Alatala. Batuana, nadidi rarana nompatesi tona nomparasaya i Yesus bo nompatolele karebaNa. Nokumaa mpuu raraku nanggita mombine haitu.