2 Timotius 3:2 - Kaili Ledo

² Tempo haitu madea tona aga mompotove karora mboto. Ira madoko doi, mamango, malanga rara, mantunturaka roa, bo ledo matundu nte totuara. Ledo rasanira motarima kasi, bo ledo rapeilira agama.

2 Timotius 3:2 ပူးပေါင်းရင်းမြစ်များ

Lukas 12:15

Pade nanguli i Yesus ka todea, “Pakabelo-belo! Nee madamba gaga raramiu ante mbara-mbara, sabana naupa mbara-mbaramiu nadea ledo haitu mompakajadi katuvumiu mabelo.”

Lukas 16:14

ToFarisi nangepe pura-pura anu nitesa i Yesus pangane, aga nipongirikara i Yesus sabana ira topompotove doi.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Suro-Suro 5:36

apa bara sako-mpae naliu neumba i Teudas. Pangulina ia tona nabaraka sampe nitasere pataatu tona nangoseaka ia. Tapi ia muni nipatesi bo pura-pura topangoseaka ia nasimpotare.

Roma 11:18

Jadi, sampesuvu-sampesuvu, nee malanga raramiu manggita toYahudi anu nipoara mpo tinggu nikoto pangane. Toramo! Komiu mboto nasimbayu mpo tinggu. Ledo tinggu nompakatuvu kalena tapi kalena nompakatuvu tingguna.

2 Korintus 5:15

Bo i Kristus mpuu-mpuu namate nanjambei kita pura-pura. Patuju nu kamateNa haitu ala kita anu da natuvu ri dunia hitu domo matuvu mangoseaka dotata mboto, tapi dota i Kristus anu namate bo natuvu mpanjili ala manggeni belo ka kita.

Filipi 2:21

Pura-pura roaku ntanina aga nasesa nompekirika bagora mboto, ledo nompekirika dota i Yesus Kristus.

Kolose 3:5

Sabana haitu, kabasakamo pokainggu-pokainggu anu nopuna lako ri dunia nadaa hitu. Nee mosipogau ante tona ledo bereimiu mboto, nee movia pokainggu anu ledo masipato, nee mangoseaka dota raramiu nabuga bo dota-dota ntanina anu nadaa. Bo nee muni maoge rara manggava melabipa pade tona ntanina, sabana anu nipooge rarata haitumo najadi anu nisombata, bo haitu nasimbayu nte metupu nte tupu ntanina.

2 Tesalonika 2:4

Ia mangeva Alatala bo malanga rarana mangoe. Raulina iamo naogepa pade pura-pura anu nisomba nu manusia bo anu niuli nu manusia “tupu”. Ledo aga haitu, kaupuna ia mesua monturo riara Banua nu Alatala bo raulina iamo Alatala!

1 Timotius 1:20

evamo i Himeneus bo i Aleksander. Nidekeikumo ira randua riara kuasa Magau nu Seta ala rahuku, ala domo rasalaira Alatala.

1 Timotius 1:9

Nisanita muni patuju nu Atura-atura haitu ledo mombatagi tona nanoa. Tapi patuju Atura-atura haitu mombatagi tona nombaliunaka atura, tona nadaa, topesapuaka, tona nadosa, tona ledo natundu nte Alatala, tona aga nompekiri kasana dunia bo ledo nompeili agama, tona nompatesi tina tuamana mboto, bo ka pura-pura topepatesi ntanina.

1 Timotius 3:3

Ia ledo tolangu, bo ledo toposibaga. Tapi ia kana nalusu rarana bo natuvu nosinggabelo. Ia ledo muni aga nadoko ka doi.

1 Timotius 6:10

sabana pompotove doi puna mpengaya-ngaya kadaa. Sanu tona nompasimbuku nangelo doi sampe nasalandalamo bo domo nioseakara pepatuduki nakana, bo aga mpengaya-ngaya kasusa nikavara anu nompakabuku rarara.

1 Timotius 6:4

Tona haitu nalanga rarana. Ia netitau tapi ledo nisanina nuapa-nuapa. Ia aga nagila nangelo saba bo nosinjanai ka batua nu tesa. Pepatudukira haitu aga nanggeni tona nasiriati, nosinggarau, nosiuli-uli, nosirai,

2 Timotius 3:4

Ira aga mombaakalani roa, ledo ria rekera, bo pangulira iramo tona nataupa. Ledo rapotovera Alatala, aga kasana karora mboto rapotovera.

Yakobus 2:8

Nabelo pokaingguta ane nioseakata atura nu Magauta anu nibacata riara Buku Gasa ivei: “Potovemo roamiu nasimbayu mpo pompotovemiu karomiu mboto.”

Yakobus 4:16

Tapi ledo ivesia tesamiu. Komiu aga nalanga raramiu bo nangoe ka poviamiu mboto. Pokainggu ivehaitu nadaa!

Yakobus 4:6

Tapi Alatala nombatulungi kita lako ri kabelo nu raraNa. Bo petulungiNa haitu naogepa pade pura-pura anu nipoinota. Haitumo sampe naria tesa nitulisi riara Buku Gasa ivei: “Alatala nangeva tona nalanga rarana, tapi tona naede rarana nipoasiNa.”

1 Petrus 5:5

Ivesia muni komiu da namuda. Komiu kana mekou nte totua. Bo komiu topomparasaya pura-pura kana mompakaede raramiu bo mositulungi. Apa nitulisi riara Buku Gasa: “Alatala nangeva tona nalanga rarana, tapi nipoasiNa tona naede rarana.” Amsal 3:34

2 Petrus 2:10

Tona rahukuNa ivesia, nelabipa tona natuvu nangoseaka dota rarara nadaa bo nabuga, bo tona nanjapuaka kuasa nu Alatala momparenta ira. Guru-guru mpodava haitu nabia mpuu bo nalanga rarara. Ledo naeka ira nanjalai malaeka-malaeka anu nipokumaaka.

2 Petrus 2:12

Tapi guru-guru mpodava haitu nanjalai nuapa-nuapa ledo nisanira. Ira nasimbayu nte binata nasoa, anu aga nipoanaka rasaka bo rapatesi. Ira ledo nompekiri, aga natuvu nangoseaka dota-dota anu naria nte ira. Jadi lako ri pokainggura nadaa haitu, guru-guru mpodava kana rapakaropu nasimbayu nte binata-binata nasoa.

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.

2 Petrus 2:3

Guru-guru mpodava haitu nadoko doi. Haitu sampe ira aga mangelo untu lako nte komiu ante tesa-tesa ledo nakana, anu nikarara mboto. Tapi pehuku ka ira nasaemo nipakatantu. Ira rahuku nu Alatala bo tempona ledo rasoro-soro.

Yudas 1:16

Guru-guru mpodava gahaitu batena nongau bo nompakasala tona ntanina. Ira natuvu nangoseaka dota rarara nadaa. Ira nangoe nompakalanga karora mboto bo notesa namomi ala raoseaka ntona dotara.

Pompakita 13:1

Naliu haitu nikitaku sangu binata nadaa nesuvu lako rantasi. Binata haitu notandu sapulu bo nobalengga papitu. Pura-pura tanduna naria songgo mpo songgo magau, bo ri pura-pura balenggana nitulisi tesa-tesa nompandaente Alatala.

Pompakita 16:11

Ira nombasalai Alatala anu naria ri suruga sabana nadua mpuu nirasaira bo nadaa mpuu bisu-bisu ri karora. Tapi ira ledo najea lako ri pokainggura nadaa.

Pompakita 16:21

Bo naria vatu-vatu esi nambaso mpuu nanavu lako ri langi nombarunju manusia. Kantamo nu vatu esi haitu nitasere nte limapulu kilo kantamona sangu. Nanggita haitu manusia nanjalai Alatala sabana nadaa mpuu pepandasa uda esi haitu.

Pompakita 16:9

Manusia gahaitu nipakaboa pane nu mata eo. Bo ira nombasalai Alatala sabana Iamo nomparenta pepandasa haitu rapambela ka ira. Tapi ira ledo ntoto nadota majea lako ri poviara nadaa, ira ledo nadota mombabila bo mombatoiya kaoge nu Alatala.