2 Timotius 3:11 - Kaili Ledo

¹¹ Nipeintamu mbotomo berimba yaku naroo tempo yaku nipandasa bo nipakasusa evamo najadi ri karoku ri ngata-ngata Antiokhia, Ikonium, bo Listra bara ipia. Yaku mpuu-mpuu nipandasa, tapi Tupu bate-batena nompakasalama yaku lako ri pura-pura kasusaku haitu.

2 Timotius 3:11 ပူးပေါင်းရင်းမြစ်များ

Suro-Suro 13:14

Lako ri ngata Perga, i Paulus bo i Barnabas nompapola polipara hau ri ngata Antiokhia ri propinsi Pisidia. Ri eo penonto, hau ira nesua nonturo riara banua petupu ntoYahudi.

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

Suro-Suro 14:8

Ri ngata Listra naria saito langgai napunggu lako ri pompoanakame. Ia ledo sanggani nolipa sabana kadana ledo naroso.

Suro-Suro 20:19

Yaku nokarajaa ri sii ka i Pue Yesus ante ede raraku bo nadea uve mataku. Nadea susa bo pari nirasaiku, sabana toYahudi nonia mompatesi yaku.

Suro-Suro 23:10

Posinggarau haitu mpuu-mpuu nakanano, sampe tadulako naeka mbelaka raposibitesi ntodea i Paulus. Sia sampe nituduna tantarana mangala i Paulus lako ri tatanga ntodea haitu bo nanggeni ia hau ri asrama tantara.

Suro-Suro 26:17

Ane toYahudi bara tona ledo toYahudi mompakasusa iko, Kukabasaka iko lako ri kuasara. Kutudu iko manggeni TesaKu ka tona ledo toYahudi.

Suro-Suro 26:22

Tapi sampe sii-sii yaku da nisaliku nu Alatala sampe da namalapa yaku neangga nosabi ka pura-pura tona, tona nalanga panggana bo todea biasa. Anu nitesaku hitu ledo nosisala ante anu niboto i Musa bo nabi-nabi ntanina nggaulu,

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

Roma 15:31

Posambayamo ala yaku ledo rapakadaa ntoYahudi ri bagia Yudea anu ledo nomparasaya i Yesus. Bo posambayaka munimo ala topomparasaya ri Yerusalem mantarima mabelo doi petulungi kukeni hitu.

2 Korintus 1:5

Nadea kasusa bo kapari nirasai i Kristus, nambela munimo nte kami. Bo ivesia muni Alatala mpuu-mpuu nompakaroso rara kami sabana kami nosangu rara nte i Kristus.

2 Korintus 1:7

Haitu sampe ledo nonggai rara kami nompekirika komiu, nisani kamimo komiu mpuu-mpuu nombatidamaka riara kasusa bo kapari. Apa nisani kami ane komiu nombarasai kasusa bo kapari nasimbayu mpo kami, tantu raramiu muni rapakaroso nu Alatala, nasimbayu mpo kami.

2 Korintus 12:10

Jadi ane nalente yaku, nadamba yaku. Ane yaku rasalai, atau mapepa atau rapandasa, atau rapakasusa sabana yaku nangoseaka i Kristus, nadamba yaku. Apa ane nalente yaku, kuasa i Kristus mpuu-mpuu nompakaroso yaku.

2 Timotius 4:7

Nituntuniku belomo dala nipakatantu i Pue ka yaku; nipakaupukumo pokarajaa nidekeiNa ka yaku. Yaku ledo nolengga-lengga nomparasaya i Kristus sampe ri kaupuna.

2 Petrus 2:9

Jadi lako ri tesa pangane, nisanita Alatala nompakule mompakasalama topangoseaka dotaNa tempo ira manggava pesori. Bo nipakuleNa muni mombatavani tona nadaa sampe ira rahuku ri Eo Potangara.