2 Timotius 2:25 - Kaili Ledo

²⁵ Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

2 Timotius 2:25 ပူးပေါင်းရင်းမြစ်များ

Matius 11:29

Paritundu pasanga Kudika ka komiu bo pegurumo nte Yaku, apa Yaku nalusu bo naede raraKu bo Kupakatinonto raramiu.

Matius 21:32

Sabana, i Yohanes Topediu neonga nompatuduki dala nanoa ka komiu, tapi ledo niparasayamiu ia. Tapi topesingara balasitee bo bajinga nomparasaya ia. Bo nau nikitamiu pura-pura anu nikitara, ledo najea komiu, bo ledo ntoto niparasayamiu.”

Markus 1:15

NiuliNa, <>

Yohanes 5:34

Kakanana ledo paraluu manusia mompakalanto isema Yaku. Tapi Kupopatora ka komiu tesa i Yohanes ala komiu mamala rapakasalama.

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Suro-Suro 5:21

Naupu nangepe tesa haitu, hau mpuumo suro-suro nanturusi anu niuli nu malaeka ka ira. Nasadondo mpuu ira hau ri doyata Banua nu Alatala bo nompamulamo nompatuduki tona ri sia. Tempo haitu Pakeni nTopanggeni Pesomba ante roa-roana nompokio pura-pura pakeni-pakeni ntoYahudi masiromu ri Polibu Mbaso Agama. Nitudura tona hau mangala suro-suro lako ri tarunggu, rakeni ratangara ri ngayora.

Suro-Suro 5:31

Bo Alatala nompakaoge i Yesus bo nipoponturoNa Ia ri sabingga ngganaNa, bo nidekeiNa ka Ia kuasa momparenta bo mompakasalama kita, ala kita toIsrael radekei loga majea lako ri dosa-dosata bo raampungi.

Suro-Suro 8:22

Nisaniku iko tu nasiriati bo iko nipobatua dosa! Jadi, kajeamo lako ri patujumu nadaa, bo perapimo nte i Pue ala raampungiNa pekirimu nadaa tutu!”

Galatia 6:1

Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!

1 Timotius 2:4

Ia madota ala pura-pura tona rapakasalama bo mangisani pepatuduki nakana,

1 Timotius 6:11

Tapi iko batua nu Alatala. Nee mpuu mokainggu madaa ivehaitu! Pasimbukumo majadi tona nanoa ri panggita nu Alatala. Pasimbukumo matuvu mangoseaka dotaNa. Kana mupakaroso pomparasayamu, potovemo singgamanusiamu, tidamaka tempo nasusa, bo moinggu malusu.

2 Timotius 3:7

Mombine-mombine haitu nasaro nekipaguru tapi ledo nipakulera nombapaha mpuu pepatuduki nakana lako nte Alatala.

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

Titus 3:2

Ulika ira nee mositunturaka, bo nee mosinjanai. Ira kana moada bo malusu rara nte tona pura-pura.

Yakobus 1:17

Pura-pura pedekei nabelo, anu ledo ria galona nadaa, nakava lako nte Alatala ri suruga. Ia nompajadi pura-pura anu nareme ri langi. Vayo-vayo najadi lako ri reme haitu nasaro nabali, tapi Ia ledo nabali. Ia bate-batena nabelo.

1 Petrus 3:15

Tapi bilamo i Kristus riara ntaimiu bo pakaoge Ia sabana Ia Tupumiu nagasa. Bo ane rapekutana ntona komiu, nuapa sabana komiu nanjarumaka i Pue, komiu kana masadia mesana ka ira. Bo pesanamiu haitu kana rapovia ante ede rara bo ante tesa-tesa nalusu.

1 Yohanes 5:16

Sampesuvu-sampesuvuku, ane rakitamiu roamiu sampomparasaya novia dosa anu ledo mompopogaa ia lako nte Alatala sampe ri kasae-saena, komiu kana mosambaya ka roamiu haitu. Posambayamo ala ia majea bo Alatala mombadekei ka ia katuvu mabelo sampe ri kasae-saena. Tona niuliku hitu, tona novia dosa anu ledo nompopogaa ia lako nte Alatala sampe ri kasae-saena. Naria muni dosa anu nompopogaa tona lako nte Alatala. Ledo paraluu raposambayakamiu tona novia dosa haitu.