2 Timotius 2:15 - Kaili Ledo

¹⁵ Tapi iko kana mompasimbuku mpuu-mpuu mokarajaa mabelo ala madamba rara nu Alatala bo rarekeNa iko masipato mokarajaa ka Ia. Pasimbukumo ala ledo maeya matamu manggita pokarajaamu tapi mupatuduki tesa nakana lako nte Alatala ante kakana-kanana.

2 Timotius 2:15 ပူးပေါင်းရင်းမြစ်များ

Matius 13:52

Jadi nanguli i Yesus ka ira, “Ane guru agama Yahudi majadi topangoseaka Yaku riara Poparenta nu Alatala, nisanina pepatuduki nu Atura nu Alatala nasae bo nisanina muni pepatuduki nabaru. Ia nasimbayu eva tupu banua anu nombasuvuraka lako ri kakalumana mbara-mbara nabaru bo mbara-mbara nasae.”

Markus 4:33

Ivesiamo i Yesus nompaguru todea ante nompake mpengaya-ngaya porapa, nangoseaka pompakulera mombapaha.

Lukas 12:42

Nesanamo i Yesus, “Haitu niuliKu ka batua nanoto bo natutu neoseaka. Tona haitu raanggataka nu madikana majadi topompasiayu pura-pura batua ntanina riara banua. Iamo mompasiayu kandea ka batua-batua ntanina eo-eo.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Suro-Suro 20:27

Apa, ledo nasau raraku nompatuduki ka komiu, pura-pura nia nu Alatala ka kita.

Roma 14:18

Ane ivesia pangoseakata i Kristus, kita mompakadamba rara nu Alatala, bo roata muni mombabila kita.

Roma 16:10

Pakavote tabeku ka i Apeles. Nadea kasusa nirasaina, tapi ia bate-batena nangoseaka i Kristus. Bo pakavote tabeku ka gi Aristobulus sambanua.

Roma 6:13

Bo nee rapalamba karomiu movia nadaa. Tapi dekeimo katuvumiu ka Alatala apa kita nikabasakamo lako ri kamatea bo nitarimatamo katuvu nabaru. Dekeimo katuvumiu ka Alatala ala karomiu rapake movia anu nanoa.

1 Korintus 2:6

Naupa ivesia, ane kami notesa ka topomparasaya anu naroso pomparasayana, naria muni kapande nipasimbayu kami ka ira. Tapi kapande haitu ledo nasimbayu ante kapande lako ri dunia nadaa hitu atau kapande ntopomparenta ri dunia nadaa hitu, apa kuasara nalipo-lipomo.

2 Korintus 10:18

Sabana, tona nipokono nu Alatala ledo topantoiya karona mboto tapi tona nitoiya nu Alatala.

2 Korintus 3:6

Iamo nombadekei ka kami pompakule nompatuduki pojanjiNa nabaru ka tona. Pojanji nabaru haitu ledo atura-atura nitulisi, tapi nopuna lako ri Nosa Gasa nu Alatala. Atura-atura anu nitulisi nanggeni kamatea sabana ledo nipakule manusia mangoseakana, tapi Nosa Gasa nu Alatala nombadekei katuvua nabelo sampe ri kasae-saena.

2 Korintus 4:2

Tapi ane kami, kami domo nangoseaka pokainggu nadaa anu nepakaeya. Kami ledo nebagiu bo ledo nantenggoaka Tesa nu Alatala. Alatala sabi kami bo nikitaNa kami aga nompatolele anu nakana ala rasani ntodea kami namala raparasaya.

2 Korintus 5:9

Jadi kami nompasimbuku mompakadamba raraNa, nau kami da natuvu ri dunia, nau kami mompalaisi dunia hitu.

Galatia 1:10

Jadi, berimbamo, sampesuvu-sampesuvu? Yaku nanguli ivesia mbeki ratoiya ntona? Ledo ntoto nakana! Yaku aga madota ratoiya nu Alatala. Bara nipekirimiu yaku aga madota mompakadamba rara nu manusia. Tapi haitu ledo muni nakana, apa ane rapana yaku da nompasimbuku mompakadamba rara nu manusia, ledo masipato yaku majadi batua i Yesus Kristus!

Efesus 1:13

Bo ivesia muni komiu. Komiu najadi todea nu Alatala tempo niepemiu bo niparasayamiu pepatuduki nakana, haitumo Kareba Belo anu nompopaisani ka komiu, komiu mamala rapakasalama. Komiu nomparasaya i Yesus, jadi Alatala nombadekei Nosa GasaNa ka komiu anu nijanjiNa nggaulu. Nosa Gasa haitu tandana komiu mpuu-mpuu todea nu Alatala.

1 Tesalonika 2:4

Kami ledo notesa aga mompakadamba rara manusia. Kami notesa mompakadamba rara nu Alatala, sabana Iamo nomparesa rara ntai kami, bo Iamo nombareke kami masipato mompatolele Kareba Belo.

1 Tesalonika 5:14

Kami merapi nte mpuu-mpuu rara, onteakamo tona namau nokarajaa. Pakarosomo rara ntona naeka. Tulungimo tona anu paraluu ratulungi. Posabaramo nte tona pura-pura.

1 Timotius 4:6

Ane mupatuduki pura-pura haitu pangane ka sampesuvuta sampomparasaya, iko majadi topokarajaa nabelo ka i Yesus Kristus. Bo iko mompakaroso raramu mboto ante Tesa nu Alatala anu niparasayata, bo ante pepatuduki nakana anu nioseakamu sampe sii-sii.

Ibrani 4:11

Sabana haitu, kita kana mompasimbuku ante rarata mpuu-mpuu ala kita mamala menonto mosanggani-nggani ante Alatala. Nee sampe maria tona ledo radekei mombarasai kabelo haitu sabana ledo nomparasaya, evamo najadi nte toIsrael nggaulu.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

Yakobus 1:18

Lako ri dotaNa mboto Ia nompajadi kita majadi ana-anaNa ala kita maogepa pade pura-pura anu ntanina nipajadiNa bo rapatani ka Ia mboto. Kita najadi ana-anaNa sabana kita nompariara tesaNa nakana.

2 Petrus 1:10

Jadi sampesuvu-sampesuvu, pasimbuku mpuumo mokainggu mabelo ala malanto komiu mpuu-mpuu nipelisi nu Alatala bo nipokioNa majadi todeaNa. Ane inggu-inggu pangane ratambaika pomparasayamiu, natantu ledo ntoto moura pomparasayamiu,

2 Petrus 1:15

Jadi kupasimbuku ala nau mamatemo yaku, komiu bate-batena mantora pura-pura tesa haitu.

2 Petrus 3:14

Sampesuvu-sampesuvu nipotoveku, komiu nompopea kajadia-kajadia haitu, jadi pasimbukumo ala pokainggumiu mabelo bo ledo maria anu rasalai atau mepakaeya ri panggita nu Alatala. Bo pasimbukumo matuvu mosinggabelo ante Ia.