2 Timotius 2:14 - Kaili Ledo

¹⁴ Popatoramo pura-pura tesaku hitu ka topomparasaya. Ri panggita nu Alatala anu nosabiki pura-pura, ulika ira nee mosinjanaika batua ntesa. Haitu ledo ntoto naria gunana bo aga mompakagero pomparasaya ntopangepe.

2 Timotius 2:14 ပူးပေါင်းရင်းမြစ်များ

Matius 16:26

Nuapa gunana rakavamiu pura-pura anu naria ri dunia tapi ledo manggava katuvua nabelo sampe ri kasae-saena? Ledo ria nuapa-nuapa namala rasulamiu ka katuvua nabelo haitu.

Suro-Suro 13:10

bo niulikana, “He, topebagiu nggaraka, ana nu Magau Seta! Ikomo nangeva pura-pura anu nabelo! Nakuya iko ledo nenonto nombatenggosi tesa nu Alatala nanoa?

Suro-Suro 15:24

Niepe kami naria bara sako-ndua tona lako nte kami tou nte komiu nompakasusa bo nompakaingu komiu ante pepatudukira. Tapi kakanana ledo nitudu kami ira movia ivesia.

Roma 14:1

Naria topomparasaya dopa naroso pomparasayara, sampe da naingu rarara pokainggu mbana raoseakara. Tona ivehaitu kana ratarimata ante nabelo, bo nee rapakasala panggavara.

Galatia 1:7

Kakanana ledo ria “kareba belo” ntanina, aga Kareba Belo nipatolele kami ka komiu. Tapi naria tona nompakagado pekirimiu ante pepatudukira nasala. Patujura aga mombabaliki Kareba Belo anu nantesaki i Kristus.

Efesus 4:17

Jadi sampesuvu-sampesuvu, ante kuasa nidekei nTupu ka yaku, kuuli ka komiu, tumo matuvu mpo tona ledo nosisani ante Alatala! Ira aga nompekirika anu ledo ria gunana,

1 Tesalonika 4:1

Kaupuna, sampesuvu-sampesuvu: bara ipia kami nompatuduki ka komiu pokainggu masipato rapoviamiu ala madamba rara nu Alatala. Bo nisaniku nipoviamiumo anu nipatuduki kami. Tapi kami merapi nte mpuu-mpuu rara bo mompopatora komiu ante kuasa nidekei i Pue Yesus ka kami: pasimbukumo hanupa matuvu nte pokainggu mompakadamba Alatala!

2 Tesalonika 3:6

Sampesuvu-sampesuvu, ante kuasa nidekei i Pue Yesus Kristus ka kami, kami nomparenta komiu, nee ntoto mosimpovega ante sampesuvu sampomparasaya namau bo ledo nangoseaka pepatuduki nipatuduki kami ka komiu.

1 Timotius 1:4

Ulika ira, tumo mompekirika tutura-tutura anu ledo nakana bo sunju-sunju muli ntotua nggaulu anu ledo ria kaupu-upuna. Pura-pura haitu aga nanggeni tona mosinjanai, bo ledo nanggeni tona mangoseaka nia nu Alatala mompakasalama manusia sabana pomparasayara Ia.

1 Timotius 1:6

Naria bara sako-ndua tona domo nangoseaka pepatuduki haitu. Ira nasalandala lako ri pepatuduki nakana bo aga nosinjanaika anu ledo ria gunana.

1 Timotius 4:8

Ane kita mompakaroso karota aga sakide gunana. Tapi ane kita mompakaroso rarata matuvu ante pokainggu nompakadamba Alatala, nadea mpuu gunana riara mpengaya-ngaya. Apa rakavata katuvu mabelo anu nijanji nu Alatala, nompamula sii-sii sampe ri kasae-saena.

1 Timotius 5:21

Timotius, ri ngayo Alatala bo i Yesus Kristus bo malaeka-malaekaNa anu nipelisiNa, kuuli ka iko: oseakamo parenta-parenta nitesaku pangane ante noa rara. Nee mompelenje bo nee manjairaka.

1 Timotius 6:13

Jadi, ri ngayo nu Alatala, anu nompakatuvu pura-pura anu naria, bo ri ngayo i Yesus Kristus anu nabia nompangaku tesa nakana ri ngayo i Pontius Pilatus, kuuli ka iko ivei:

2 Timotius 1:6

Sabana haitu, kupopatora ka iko, iko kana mpuu-mpuu mompake pompakule nidekei nu Alatala ka iko tempo yaku nosambaya nombadika paleku ri karomu bara ipia.

2 Timotius 2:16

Nee rapetalingai tesa-tesa anu ledo ria gunana bo ledo nombabila Alatala, sabana tesa-tesa ivehaitu ledo ntoto nanggeni tona mangoseaka dota nu Alatala.

2 Timotius 2:23

Nee mupesua potesa ntodoyo anu ledo nisanira pepatuduki nakana. Nisanimu mboto tesa ivehaitu aga mompopeumba posinjanai.

2 Timotius 4:1

Timotius, petevai hitu niuliku nte mpuu-mpuu raraku. Makava tempona i Yesus Kristus makava mpanjili momparenta ri dunia hitu, bo ratangaraNa pura-pura manusia, tona da natuvu bo tona namatemo. Jadi, kuuli ka iko ri ngayo nu Alatala bo i Yesus Kristus anu nanggita pura-pura poviata:

Titus 3:1

Popatoramo topomparasaya i Yesus ri situ, ira masipato matundu bo mangoseaka parenta nu pomarenta bo totua-totua ngata. Ira kana masadia mantui pura-pura pokarajaa nabelo.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.

2 Petrus 1:13

Nipekiriku ane yaku da natuvu, masipato kupakaroso raramiu ante pepatoraku hitu.