2 Timotius 1:3 - Kaili Ledo

³ Yaku nosukuru nte Alatala anu nisombaku ante rara nagasa, nasimbayu mpo nipovia ntotuaku nggaulu. Yaku nasaro nanguli tarima kasi ka Alatala sabana iko, bo eo bongi yaku nantora iko riara posambayaku.

2 Timotius 1:3 ပူးပေါင်းရင်းမြစ်များ

Lukas 2:37

natimbalamo ia. Nau natimbalamo, ledo nipalaisina Banua nu Alatala. Eo bongi ia netupu nte Alatala ante nosambaya bo nopuasa. Tempo haitu i Hana noumuru valupulu bo pata-mpaemo.

Suro-Suro 22:3

“Yaku hii toYahudi nipoanaka ri ngata Tarsus ri propinsi Kilikia. Tapi yaku nipakambaso ri sii ri ngata Yerusalem, bo neguru nte Guru Mbaso nosanga i Gamaliel. Yaku nipatudukina pakabelo-belo nantuntuni Atura-atura nipapola Nabi Musa ka totuata nggaulu. Yaku muni mpuu-mpuu nangoseaka parenta nu Alatala nasimbayu mpo komiu ri sii.

Suro-Suro 23:1

Nakava sumai, nikanoto i Paulusmo toPolibu Mbaso Agama bo niulina, “Sampesuvu-sampesuvuku. Sampe ri eo hitu, yaku natuvu nanoa, nagasa ri panggita nu Alatala.”

Suro-Suro 24:14

Tapi yaku kana mompangaku ri ngayomiu, yaku netupu nte Alatala nantuntuni pepatuduki i Yesus. Panguli ntoYahudi gahitu, pepatuduki haitu nasala. Tapi yaku bate-batena netupu nte Alatala anu nisomba ntotua kami nggaulu, bo nomparasaya pura-pura anu nitulisi riara Buku Atura Agama bo Buku Nabi-nabi.

Suro-Suro 24:16

Haitumo sabana yaku nasaro nompasimbuku mokainggu nabelo ala ledo maria nuapa-nuapa nipoviaku masala ri panggita nu Alatala bara ri panggita nu manusia.

Suro-Suro 26:4

Nisani ntoYahudi pura-pura dala nggatuvuku lako ri pantepuuna. Lako ri kakodiku yaku nonturo ri tatangara ri ngata Yerusalem.

Suro-Suro 27:23

Nisaniku haitu sabana ibongi Alatala anu nisombaku bo anu nombajagai yaku, nantudu malaekaNa tumai nte yaku. Malaeka haitu nanguli,

Roma 9:1

Yaku nosangu rara ante i Kristus, jadi yaku ledo nodava. Pekiri rara ntaiku nikeniaka Nosa Gasa, bo pekiri rara ntaiku muni nanguli yaku ledo nodava. Anu kuuli hitu mpuu-mpuu nakana, ledo aga davaku:

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

Galatia 1:14

Natutupa yaku nangoseaka agama Yahudi pade pura-pura roaku toYahudi anu sanggatuvu nte yaku. Nadidi mpuu raraku nangoseaka pepatuduki bo ada-ada ntotua kami nggaulu.

Efesus 1:16

yaku nasaro nosukuru nte Alatala sabana katuvumiu nabelo haitu, bo yaku bate-batena nosambaya ka komiu.

1 Tesalonika 3:10

Eo bongi kami nerapi nte Alatala ante mpuu-mpuu rara kami ala kami mamala mosinggava nte komiu bo mompatuduki anu dopa nipatuduki ka komiu ala mpuu-mpuu maroso pomparasayamiu.

1 Timotius 1:19

Pakaroso pomparasayamu, bo iko kana bate-batena movia anu nisanimu nabelo ala iko ledo rasalai nu pekirimu. Naria bara sako-ndua tona domo nompeili anu nisanira nabelo rapoviara, sampe nageromo pomparasayara,

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

1 Timotius 5:5

Timbala anu mpuu-mpuu natuvu saitona bo ledo mpuu naria isema-sema mompiarana, aga natuvu manjarumaka Alatala. Eo bongi ia nosambaya njuu nerapi tulungi nte Ia.

2 Timotius 1:5

Yaku nosukuru nte Alatala apa nitoraku iko nomparasaya i Yesus nte mpuu-mpuu raramu. Tupumu mombine i Lois, bo tinamu, i Eunike anu nokolu nomparasaya. Bo nisaniku pomparasayamu nasimbayu nte pomparasayara.

2 Timotius 3:15

Lako ri kakodimu nisanimu isi Buku Gasa, bo Buku Gasa haitumo nompakanoto raramu sampe iko namala nomparasaya i Yesus Kristus bo rapakasalama.

Ibrani 13:8

Toramo! I Yesus Kristus ledo nabali-bali, lako ri nggauluname sampe sii-sii bo sampe ri kasae-saena.