2 Timotius 1:18 - Kaili Ledo

¹⁸ Nisanimu nadea mpuu petulungina ka yaku ri ngata Efesus. Kuperapi i Pue Yesus mompoasi i Onesiforus ri Eo Potangara ri kaupu nu dunia.

2 Timotius 1:18 ပူးပေါင်းရင်းမြစ်များ

Lukas 1:72

NijanjiNa muni mompoasi totuata nggaulu, bo mompakadupa pojanjiNa naroso ka ira.

Lukas 1:78

Alatala mpuu-mpuu nompoasi kita. Eva mata nu eo nebonda mpadondona mompakareme dunia, ivesia muni peongaNa mompakasalama kita. Apa Ia makava mompakareme pekiri ntona natuvu ri kalandana bo naeka mamate. Ia makava mompakasalama kita bo manggeni kita hau ri dala kabelona.”

Lukas 8:3

Naria muni i Yohana, berei i Khuza tona nipomboli doi Magau Herodes. Bo naria muni i Susana bo da nadeapa mombine ntanina. Mombine gahaitu nompake doira mboto nantulungi i Yesus bo ana-anaguruNa.

Suro-Suro 18:19

Ri polipara haitu, ira nesai ri ngata Efesus. I Paulus nesua ri banua petupu bo nosinjula pekiri ante toYahudi ri sia.

Suro-Suro 18:21

Ia nopalakana nte ira bo nanguli, “Ane rapodota nu Alatala, tumai vai yaku.” I Priskila ante i Akwila naboli ri Efesus tapi i Paulus nesavi kapala ntasi bo napola sampe ri ngata Kaisarea.

Suro-Suro 19:1

Tempo i Apolos da naria ri ngata Korintus, i Paulus nompesayo ngata-ngata ri buluna ri bagia Galatia bo Frigia, sampe nakava ri ngata Efesus. Ri sia ia nosinggava ante bara sako-ndua topomparasaya i Yesus.

1 Korintus 1:8

Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

1 Korintus 16:8

Tapi hitupa yaku maroo ri ngata Efesus sampe Eo Mbaso Pentakosta,

1 Korintus 3:13

Rapana ane mapapu banua, tantu pareva nabelo nipake novia banua haitu maboli, tapi pareva ledo nabelo mapapu puramo. Ivesia muni ante pokarajaa ntopokarajaa ka Alatala. Kabelo nu pokarajaara saito-saito kana rapakalanto bara maipia tempo i Yesus makava mpanjili ri dunia. Pokarajaara haitu rauji nu Alatala ala malanto pokarajaara haitu bara mabelo bara ledo.

2 Korintus 9:1

Kakanana ledo paraluu ntoto kutulisi ka komiu doi petulungi ka topomparasaya napakasi ri Yudea.

Efesus 2:4

Tapi Alatala naasi mpuu mataNa nanggita kita. Naoge mpuu toveNa anu nipopelabiNa ka kita.

1 Tesalonika 2:19

Naoge rara kami mosinggava nte komiu, apa ane Tuputa Yesus Kristus meonga mpanjili bo kita mosinggava ri ngayoNa, komiumo majadi asele pokarajaa kami anu nisarumaka kami. Tempo haitu madamba mpuu rara kami sabana komiu, bo masana rara kami sabana pomparasayamiu.

1 Timotius 1:3

Kuperapi iko maboli ri ngata Efesus, mpo niuliku ka iko bara ipia tempo yaku nalai hau ri propinsi Makedonia. Apa ri situ naria bara sako-ndua tona nompatolele pepatuduki nasala, bo iko kana mombatagi ira ala domo rapatolelera pepatuduki haitu.

2 Timotius 1:12

Bo yaku nombarasai pura-pura kasusa riara ntarunggu hitu sabana pokarajaaku nompatolele Kareba Belo. Tapi naupa ivesia, ledo naeya mataku, sabana niposisanikumo i Yesus anu nisarumakaku, bo nisanikumo Ia nompakule nombajagai yaku sampe ri Eo Potangara ri kaupu nu dunia.

2 Timotius 1:16

Tapi kuperapi i Pue Yesus maasi mataNa nte gi Onesiforus sambanua, sabana nadea ngganimo ia nakava nompakadamba raraku. Nau yaku nitarunggu, ledo naeya matana nanggita yaku.

2 Timotius 1:17

Tempo ia nakava ri ngata Roma, nielo-elona yaku sampe nikavana.

2 Timotius 4:12

Bo nituduku i Tikhikus hau ri ngata Efesus.

2 Timotius 4:8

Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

1 Petrus 1:10

Nabi-nabi nu Alatala nggaulu nangelo pakabelo-belo ala rasanira berimba Alatala mompakasalama manusia. Nibotora belo nidekei nu Alatala ka komiu, anu nirasaimiu sii-sii. Nosa Gasa i Kristus riara ntaira nompopaisani ka ira kasusa bo kapari anu mambela ka i Kristus, bo nipopaisaniNa muni kuasa bo kaoge rakava i Kristus maliu kasusa bo kapari haitu. Tapi dopa nisani nu nabi-nabi berimba kadupa nu tesa-tesa nibotora. Haitumo sampe niparesara pakabelo-belo ala rasanira tempona bo berimba kadupana pura-pura anu nibotora haitu.

Pompakita 2:1

Bo Ana nu Manusia nombatudu yaku motulisi ka malaeka anu nanggeniaka todea topomparasaya ri ngata Efesus ivei: “Hitumo tesa lako nte Yaku anu nantipale pitu-angu betue ri pale ngganaKu bo nolipa ri olo pitu-nggada poindo bulava.