2 Tesalonika 3:2 - Kaili Ledo

² Posambayaka muni ala kami rakabasaka lako ri tolia ntona natenggo bo nadaa rarana, apa ledo pura-pura tona nomparasaya Tesa nu Alatala.

2 Tesalonika 3:2 ပူးပေါင်းရင်းမြစ်များ

Matius 17:17

Nanguli i Yesus ka pura-pura tona hamai, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani-nggani ante komiu bo mosabara nte komiu pade raparasayamiu! Kenimo tumai ngana tutu!”

Matius 23:23

Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara! Komiu nombadekei ka Alatala sabagia lako ri sapulu bagia pura-pura aselemiu, nau sampe rampa-rampa. Tapi parenta Atura-atura agama anu nambaso, evamo pokainggu nanoa, mompoasi roa, bo mompakadupa pojanji, haitu ledo nipoviamiu. Kakanana parenta mbasona haitu anu nopoko raoseakamiu, nee muni rakalingasi atura-atura ntanina.

Lukas 18:8

Parasayamo: masalisa ratulungiNa ira. Tapi tempo Yaku, Ana nu Manusia makava mpanjili ri dunia hitu, da mariapa tona mpuu-mpuu momparasaya Yaku?”

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

Suro-Suro 13:50

Tapi tomaoge-tomaoge bo mombine-mombine anu naria nturona bo natundu nte Alatala, nipakapane ntoYahudi sampe i Paulus bo i Barnabas nipandasa bo nipopalai lako ri ngata haitu.

Suro-Suro 14:2

Tapi toYahudi anu ledo nadota nomparasaya, aga nompakapane rara ntona ntanina ledo toYahudi sampe navuu matara nanggita topangoseaka i Yesus.

Suro-Suro 17:5

Tapi toYahudi anu ledo nomparasaya i Yesus, nasiriati nanggita i Paulus bo i Silas, sabana nadea mpuu tona nomparasaya tesa i Paulus. Jadi nipasiromura tona aga notondodo-ndodo ri potomu, anu ledo naria pokarajaana. Nadeapa ira nasiromu, hau nipakagadoramo ngata haitu. Nakava ri banua i Yason anu niponturo i Paulus bo i Silas, nisuakira banua haitu rapangala i Paulus bo i Silas. Patujura ala gi Paulus mesuvu mantingayo todea.

Suro-Suro 25:27

Nantuntuni panggavaku, ledo masipato tona rakeni ri ngayo Magau ane ledo natantu salana nipangaduka ntona.”

Suro-Suro 28:24

Naria tona nomparasaya anu niuli i Paulus, tapi naria muni ledo nomparasaya.

Roma 10:16

Tapi ledo pura-pura tona nomparasaya Kareba Belo haitu. Naria tesa Nabi Yesaya nggaulu nanguli ivei: <> Yesaya 53:1

Roma 15:31

Posambayamo ala yaku ledo rapakadaa ntoYahudi ri bagia Yudea anu ledo nomparasaya i Yesus. Bo posambayaka munimo ala topomparasaya ri Yerusalem mantarima mabelo doi petulungi kukeni hitu.

1 Korintus 15:32

Yaku nosieva ante tona nadaa ri ngata Efesus anu nasimbayu mpo binata-binata nasoa. Nuapa gunana yaku matuvu mantingayo kasusa ivehaitu ane ledo ria panjarumakaku yaku rapakatuvu mpanjili? Ane tona namate ledo rapakatuvu mpanjili, agina kita matuvu mpo panguli ntona ivei: “Kamaimo kita mangande bo manginu bo madamba-damba eo hitu, sabana maile bara mamatemo kita, bo katuvuta maupumo.”

1 Tesalonika 2:18

Kami nonia mami tou nte komiu bara ipia. Yaku mboto bara sako-ngganimo nompasimbuku mosinggava nte komiu, tapi Magau Seta nasaro nombalava kami sampe dopa najadi.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.