2 Tesalonika 3:15 - Kaili Ledo

¹⁵ Tapi nee mavuu matamiu nte ira. Popaingamo ira, apa ira sampesuvumiu sampomparasaya.

2 Tesalonika 3:15 ပူးပေါင်းရင်းမြစ်များ

Matius 18:15

“Ane sampesuvumiu sampomparasaya movia dosa nte komiu, koi hau nte ia bo uli ka ia salana. Tapi potesa nggalinomo ruru komiu randua. Ane ratarimana tesamiu, mabelo mpanjili posampesuvumiu.

1 Korintus 4:14

Sampesuvu-sampesuvuku, patujuku notulisi hitu ka komiu ledo mompakaeya komiu, tapi mompatuduki komiu mpo ana-anaku anu nipotoveku.

1 Korintus 5:5

kutudu komiu mombadekei tona haitu riara kuasa Magau nu Seta. Povia ivesia ala karona rahuku bo kaupuna nyawana rapakasalama tempo i Yesus makava mpanjili ri dunia.

2 Korintus 10:8

Nau yaku madamba gaga mombatesa kuasa nidekei i Kristus ka kami, ledo maeya mataku. Sabana kuasa haitu nidekei i Pue ka kami, ledo mompakagero pomparasayamiu, tapi mompakaroso pomparasayamiu.

2 Korintus 13:10

Haitu sampe nitulisiku sura hitu ka komiu dopame yaku tou, ala ane makava ri situ nte komiu yaku, ledo paraluu makasara yaku mompakabelo pokainggumiu ante kuasa nidekei nTupu ka yaku. Apa kuasa haitu nidekeiNa ka yaku ala mompakaroso komiu, ledo ala mompakagero komiu.

Galatia 6:1

Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!

1 Tesalonika 5:14

Kami merapi nte mpuu-mpuu rara, onteakamo tona namau nokarajaa. Pakarosomo rara ntona naeka. Tulungimo tona anu paraluu ratulungi. Posabaramo nte tona pura-pura.

2 Tesalonika 3:13

Tapi komiu sampesuvu-sampesuvu, nee masau raramiu movia anu nabelo.

2 Tesalonika 3:6

Sampesuvu-sampesuvu, ante kuasa nidekei i Pue Yesus Kristus ka kami, kami nomparenta komiu, nee ntoto mosimpovega ante sampesuvu sampomparasaya namau bo ledo nangoseaka pepatuduki nipatuduki kami ka komiu.

Titus 3:10

Ane maria tona nompoposibali todea topomparasaya, kana musalaraka ia sanggani, bara ronggani. Ane rongganimo ia nisalarakamu bo ledo nepangala, tumo mosimporoa nte ia.