2 Tesalonika 3:13 - Kaili Ledo

¹³ Tapi komiu sampesuvu-sampesuvu, nee masau raramiu movia anu nabelo.

2 Tesalonika 3:13 ပူးပေါင်းရင်းမြစ်များ

Lukas 18:1

Naupu haitu i Yesus nompatuduki anaguruNa ante notesa sangu porapa ala ira masaro mosambaya bo nee masau rara.

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

1 Korintus 15:28

Tempo pura-pura anu naria mekou nte i Kristus, Ia mboto mekou nte TuamaNa, apa evamo niuliku pangane Alatalamo anu nompopekou pura-pura nte Ia. Kaupuna Alatala moparenta mpengaya-ngaya anu naria.

2 Korintus 4:1

Jadi ledo naupu rara kami nompatolele Kareba Belo sabana pokarajaa hitu niparasaya nu Alatala ka kami lako ri kabelo raraNa.

2 Korintus 4:16

Jadi haitu sampe ledo naupu rara kami. Nau karo kami nantambai kalentena, tapi eo-eo rara kami nantambai karosona.

Filipi 1:9

Jadi, iveimo pomperapiku nte Alatala, ala pepotovemiu mantambai, bo mantambai rasanimiu anu nakana, bo mantambai kanoto mpekirimiu.

1 Tesalonika 4:1

Kaupuna, sampesuvu-sampesuvu: bara ipia kami nompatuduki ka komiu pokainggu masipato rapoviamiu ala madamba rara nu Alatala. Bo nisaniku nipoviamiumo anu nipatuduki kami. Tapi kami merapi nte mpuu-mpuu rara bo mompopatora komiu ante kuasa nidekei i Pue Yesus ka kami: pasimbukumo hanupa matuvu nte pokainggu mompakadamba Alatala!

2 Tesalonika 3:15

Tapi nee mavuu matamiu nte ira. Popaingamo ira, apa ira sampesuvumiu sampomparasaya.

Ibrani 12:3

Pekirikamo kasusa nirasai i Yesus. Ia nieva ntona nadosa anu mpuu-mpuu navuu matara nte Ia. Pekirikamo Ia ala ledo masau raramiu bo ledo maupu raramiu momparasaya.

Ibrani 12:5

Nee rakalingasimiu tesa lako ri Buku Gasa anu nompangajari kita, nasimbayu mpo totua nompangajari ngana-ngana, ivei: “Anaku, nee rasapuaka pepatuduki nTupu. Nee maupu raramu ane raonteakaNa iko.

Pompakita 2:3

Komiu mpuu-mpuu nosabara. Komiu nipandasa ntona sabana pomparasayamiu, bo ledo naupu raramiu nangoseaka Yaku.