2 Tesalonika 3:10 - Kaili Ledo

¹⁰ Tempo kami da naria nte komiu bara ipia, kami nomparenta komiu ivei: “Isema-sema ledo madota mokarajaa, ledo mamala mangande!”

2 Tesalonika 3:10 ပူးပေါင်းရင်းမြစ်များ

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 16:4

NitesaKu mami ka komiu kamateKu, ala tempo haitu majadi ngena, ratoramiu nariamo nitesaKu ka komiu.” “Tesa hitu ledo niuliKu ka komiu lako ri pamulana sabana Yaku da nosanggani-nggani ante komiu.

Suro-Suro 20:18

Nakavapa ira, nangulimo i Paulus, “Sampesuvu-sampesuvuku! Nisanimiu berimba katuvuku nte komiu, lako ri kakavaku pamulana ri propinsi Asia hitu sampe sii-sii.

1 Tesalonika 3:4

Tempo kami da nosanggani-nggani nte komiu bara ipia, niuli kami mamimo kana maria tona mompandasa kita sabana kita nomparasaya i Yesus. Bo nisanimiu ivesia mpuu najadi.

1 Tesalonika 4:11

Pasimbukumo matuvu mosinggabelo nte tona ntanina, pasiayumo bagomiu mboto! Nee mombagalo bago ntona ntanina. Karajaamo pompaelomiu mboto nangoseaka anu niparenta kami ka komiu bara ipia.

2 Tesalonika 2:5

Sampesuvu-sampesuvu, natantu da nitoramiu yaku nompatuduki ka komiu pura-pura hitu tempo yaku da naria nosanggani-nggani ante komiu bara ipia.