2 Tesalonika 2:5 - Kaili Ledo

⁵ Sampesuvu-sampesuvu, natantu da nitoramiu yaku nompatuduki ka komiu pura-pura hitu tempo yaku da naria nosanggani-nggani ante komiu bara ipia.

2 Tesalonika 2:5 ပူးပေါင်းရင်းမြစ်များ

Matius 16:9

Dopa nipahamiu? Ledo nitoramiu lima-njobu tona nipakande ante lima-angu roti? Ledo nitoramiu sako-tondapa labina nipasiromumiu?

Markus 8:18

Komiu nomata tapi nakuya komiu ledo nekita? Komiu notalinga, tapi nakuya komiu ledo neepe? Ledo nitoramiu anu nipoviaKu pangane?

Yohanes 16:4

NitesaKu mami ka komiu kamateKu, ala tempo haitu majadi ngena, ratoramiu nariamo nitesaKu ka komiu.” “Tesa hitu ledo niuliKu ka komiu lako ri pamulana sabana Yaku da nosanggani-nggani ante komiu.

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

Galatia 5:21

Nario matara nte mbara-mbara ntona, ira nanginu sampe nalangu bo nasiromu nangande bo nanginu sampe nabasa, bo nadea muni pokainggu ntanina ivehaitu. Jadi evamo niuliku ka komiu bara ipia, kupopatora ka komiu sangganipa: tona nokainggu ivegahaitu ledo ntoto manggava bagia ri Poparenta nu Alatala.

1 Tesalonika 2:11

Nisanimiu mbotomo, kami nasaro nompatuduki komiu mpo totua langgai nompatuduki anana mboto. Kami nompakaroso raramiu bo nasaro nompopatora komiu matuvu mompakadamba rara nu Alatala. Apa Iamo nompokio komiu majadi todeaNa ri PoparentaNa bo mombarasai kaogeNa.

1 Tesalonika 3:4

Tempo kami da nosanggani-nggani nte komiu bara ipia, niuli kami mamimo kana maria tona mompandasa kita sabana kita nomparasaya i Yesus. Bo nisanimiu ivesia mpuu najadi.

2 Tesalonika 2:6

Sii-sii dopa neonga Topesapuaka haitu sabana naria anu nombalava ia. Bo nisanimiumo anu nombalava peongana. Jadi ri tempo nipakatantu nu Alatala, meumbamo Topesapuaka haitu.

2 Tesalonika 3:10

Tempo kami da naria nte komiu bara ipia, kami nomparenta komiu ivei: “Isema-sema ledo madota mokarajaa, ledo mamala mangande!”

2 Petrus 1:15

Jadi kupasimbuku ala nau mamatemo yaku, komiu bate-batena mantora pura-pura tesa haitu.