2 Tesalonika 2:2 - Kaili Ledo

² nee masalisa gaga maingu atau masesa raramiu ane raepemiu tona manguli nakava mpanjilimo i Pue Yesus. Nee maingu, nau rauli ntona kareba haitu lako ri Nosa Gasa, bara raulira kami mboto bara anu nitulisi kami riara sura.

2 Tesalonika 2:2 ပူးပေါင်းရင်းမြစ်များ

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Markus 13:7

Ane raepemiu kareba posieva napara nte komiu bara nakavao nte komiu, nee maeka! Pura-pura haitu kana majadi ntani ruru, tapi haitu dopa nakava mpuu kaupu nu dunia.

Lukas 21:19

Ane komiu bate-batena momparasaya bo ledo moura, komiu mpuu-mpuu manggava katuvu mabelo sampe ri kasae-saena.”

Lukas 21:9

Ane raepemiu kareba posieva bo kagado, nee maviora. Haitu pura-pura kana majadi ntani ruru. Tapi dopa haitu mpuu kaupu nu dunia.”

Yohanes 14:1

Nanguli i Yesus ka ana-anaguruNa, “Nee masusa raramiu. Parasayamo Alatala, bo parasaya munimo Yaku.

Yohanes 14:27

Katinonto rara Kudekei ka komiu, haitumo katinonto nu raraKu mboto. Bo anu Kudekei ka komiu haitu ledo nasimbayu nte anu nidekei nu dunia nadaa ka komiu. Jadi nee masusa raramiu, nee maeka.

1 Korintus 1:8

Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

1 Korintus 14:32

Toramo! Tona nompakule mompasimbayu tesa nitarimana lako nte Alatala, nompakule nombakuasai karona mboto, haitumo ia namala notesa atau menonto notesa nantuntuni dotana mboto.

1 Korintus 7:26

Jadi ivei panggavaku: nantora mpengaya-ngaya pepandasa nirasai ntopomparasaya sii-sii, nabelopa ane katuvumiu ledo rabalikimiu.

Efesus 5:6

Jadi, nee komiu rabagiu ntona ante tesa-tesara anu ledo ria gunana, anu nanguli pokainggu ivehaitu ledo nasala. Toramo! Pokainggu ivehaitumo nompopeumba rau rara nu Alatala ka tona ledo natundu nte Ia.

1 Tesalonika 3:3

ala ledo maria saitoa komiu moura momparasaya sabana nipandasa. Kakanana nisanimiumo kita topomparasaya kana rapandasa, apa ivesia nipakatantu nu Alatala ka kita.

1 Tesalonika 4:15

Siimo pepatuduki lako nte i Pue Yesus mboto rapapola kami ka komiu ivei: tempo i Pue Yesus makava mpanjili, kita anu da natuvu ledo mokolu ka roa-roata anu namatemo.

1 Tesalonika 5:2

Apa nisanimiu mboto kakava i Pue Yesus bara maipia masimbayu mpo kakava ntopangangga bongina tempo ledo nisani-sani ntona.

2 Tesalonika 2:15

Jadi, sampesuvu-sampesuvu, sabana haitu pura-pura, pakaroso pomparasayamiu. Kangisi pakaroso pepatuduki nipatolele kami ka komiu, anu nitesa kami ante sumba, bo anu nitulisi kami riara sura.

2 Tesalonika 3:17

Tabe lako nte yaku, Paulus. Tabe hitu nitulisiku mboto. Ivesiamo tanda mpale nitulisiku ri pura-pura suraku ala rasanimiu sura hitu mpuu-mpuu lako nte yaku.

Pompakita 19:20

Tapi binata nadaa nisaka sanggani ante nabi mpodava bo ira randua nitedaka nggatuvu riara ntasi apu anu navaya ante vatu-vatu colonggata navaya. Nabi mpodava haitumo novia tanda-tanda nipokumaaka ante kuasa nidekei nu binata nadaa ka ia. Ante tanda-tanda nipokumaaka, ia nombabagiu tona nimere ante tanda nu binata nadaa bo tona nombasomba pinoitona.