2 Tesalonika 2:12 - Kaili Ledo

¹² Kaupuna pura-pura tona anu ledo nomparasaya pepatuduki nakana bo aga nadamba novia anu nadaa rahuku nu Alatala.

2 Tesalonika 2:12 ပူးပေါင်းရင်းမြစ်များ

Markus 14:11

Tempo niepera tesa i Yudas haitu, nadamba mpuumo rarara bo nojanji mombadekei doi ka ia. Naupu haitu nompamulamo i Yudas mangelo loga nabelo mombadekei i Yesus ka baliNa.

Markus 16:16

Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

Yohanes 3:36

Isema-sema momparasaya AnaNa, manggava katuvua mabelo sampe ri kasae-saena. Tapi isema-sema ledo nekou nte AnaNa ledo manggava katuvua mabelo haitu. Ia aga rapambela rau rara nu Alatala sampe ri kasae-saena.”

Roma 1:32

Nisanira mami parenta nu Alatala anu nanguli tona nokainggu ivesia masipato rahuku mate. Tapi nau nisanira pokainggura haitu nadaa, kana nipoviara. Bo ane maria tona ntanina mantuntuni pokainggura nadaa, nadamba rarara.

Roma 12:9

Kita kana mpuu-mpuu mompotove roata. Nee aga mosimpotove ri sumba. Kabasakamo anu nadaa, bo oseakamo anu nabelo

Roma 2:8

Tapi ane tona aga nompekirika karora mboto, bo ledo nadota nangoseaka dota nu Alatala, tapi aga nangoseaka dota nu rarara nadaa, tona gahaitumo rapokarau nu Alatala bo rapambela pehuku.

1 Korintus 13:6

Tona nompotove roa ledo nadamba nanggita pokainggu nadaa tapi nadamba nanggita pokainggu nanoa.

1 Tesalonika 5:9

Kita nipelisi nu Alatala, ledo ala rahukuNa, tapi ala rapakasalamaNa sabana petolo nTuputa Yesus Kristus.

2 Tesalonika 2:10

Rapakena mpengaya akala nadaa mombabagiu tona anu masipato mami mamate bo rapopogaa lako nte Alatala. Ira mamate bo rapopogaa lako nte Alatala sampe ri kasae-saena sabana ira ledo nadota mantarima bo mompotove pepatuduki nakana lako ri Alatala, anu nompakule mompakasalama ira.

2 Petrus 2:3

Guru-guru mpodava haitu nadoko doi. Haitu sampe ira aga mangelo untu lako nte komiu ante tesa-tesa ledo nakana, anu nikarara mboto. Tapi pehuku ka ira nasaemo nipakatantu. Ira rahuku nu Alatala bo tempona ledo rasoro-soro.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.