2 Tesalonika 1:9 - Kaili Ledo

⁹ Tona haitu rahuku nu Alatala sampe ri kasae-saena. Ira rapopogaa lako nte i Pue Yesus bo ledo rarasaira kaoge nu kuasaNa.

2 Tesalonika 1:9 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 22:13

Bo nanguli magau ka batuana, ‘Soomo palena bo kadana bo tedeakamo ia hau ri savalikuna ri ponturo nalanda. Hamai ia motumangi bo masinggiki ante kasusa.’ ”

Matius 24:30

Ri tempo haitu meumba tanda ri langi mompakalanto kakavaKu, Ana nu Manusia. Bo pura-pura manusia ri dunia motumangi ante eka nu rara, ane rakitara Yaku, Ana nu Manusia, manau riara kulimu ante kuasaKu bo kaogeKu nipokumaaka.

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 25:46

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”

Matius 26:24

Yaku, Ana nu Manusia, kana mamate nangoseaka anu nitulisi riara Buku Gasa. Tapi mandasa mpuu tona mompobalu Yaku! Aginapa tona haitu ledo nipoanaka ntinana.”

Matius 7:23

Tapi Kupesanaka ira, ‘Ledo nisaniKu komiu! Palaimo lako ri sii, komiu topokainggu nadaa!’ ”

Lukas 13:27

Tapi tupu nu banua haitu aga mesana ka komiu, ‘Ledo nisaniKu komiu, bo ledo nisaniKu lako ri umba komiu. Palaimo lako ri sii. Komiu pura-pura tona nadaa!’

Yohanes 5:14

Naupu haitu i Yesus nosinggava nte tona haitu riara Banua nu Alatala, bo niulikaNa ka ia, “Peinta vei! Nabelomo iko. Jadi tumo mupovia dosa ala iko ledo mambela anu nadaapa vai pade duamu tutu.”

Filipi 3:19

Tona ivehaitu ranavusaka ri narakaa, sabana aga dotara mboto anu nadaa nisombara. Anu nipoeya, haitumo nioera sabana aga anu ri dunia hitu nipekirikara.

1 Tesalonika 5:3

Tempo tona ledo nomparasaya Alatala aga manguli, “Katuvuta ri dunia nabelo pura, ledo ria nuapa-nuapa rapokaekata.” Tapi ri tempo haitumo ledo rasani-sanira, sampesanika maropumo ira, masimbayu mpo dua nu mombine tempona moana. Ledo ntoto maria dala mombaleva pehuku.

2 Tesalonika 2:8

pade meumba Topesapuaka. Tapi tempo i Pue Yesus meonga ante kuasaNa nareme, kuasa nTopesapuaka malipo sanggani, bo i Pue Yesus mompatesi ia ante nosa lako ri sumbaNa.

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

Ibrani 10:29

Ane ivesia pehuku ka tona nombasapuaka Atura agama, nemopa ka tona anu nompojejea Ana nu Alatala. Tona haitu nompandaente raa i Yesus, tano raa haitumo nompakaasa pojanji nu Alatala bo nompakalali dosana. Bo tona haitu muni nanjalai Nosa Gasa anu nompopaisani pepotove nu Alatala ka todeaNa.

2 Petrus 2:17

Guru-guru mpodava haitu nasimbayu mpo mata nu uve naotimo. Ira nasimbayu mpo kulimu vuri aga niburu mpoiri narimboso. Alatala nompakasadia ponturo nalanda mpirika ka ira.

2 Petrus 3:7

Sii-sii ledo nikitata anu nabali tapi langi bo tana anu naria sii-sii nijagai ante kuasa tesa nu Alatala sampe rapakaropu ante apu bara maipia. Sii-sii dunia da nijagai sampe Eo Potangara bara maipia tempo pura-pura tona anu ledo nangoseaka dota nu Alatala rahuku.

Yudas 1:13

Ira nasimbayu mpo balumba mbaso niburu mpoiri, bo pokainggura anu nepakaeya nasimbayu mpo rumpu bo bura natapa nitompesaka ri talinti. Ira nasalandala lako ri dala nakana nasimbayu mpo betue-betue mpolinja ri langi ledo nangoseaka dala nipakatantu ka ira. Jadi nipakasadia nTupumo ponturo nalanda mpirika ka ira sampe ri kasae-saena.

Pompakita 20:11

Naupu haitu nikitaku sangu Gadera Kamagaua nabula bo nambaso. Bo nikitaku muni Toponturo ri Gadera haitu. Nariapa Ia ri sia, nalipo singganimo dunia, bo domo naria nikita.

Pompakita 20:14

Isema-sema ledo nitulisi sangana riara Buku Katuvua haitu, nitedaka riara ntasi apu. Haitumo niuli kamatea karongganina, pehuku riara ntasi apu. Naupu haitu domo ria kamatea bo domo ria ponturo ntomate, apa kamatea bo ponturo ntomate nitedaka riara ntasi apu.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.