2 Tesalonika 1:11 - Kaili Ledo

¹¹ Haitu sampe kami nasaro nosambaya ka komiu. Kami merapi ala Alatala mombatulungi komiu ala pokainggumiu majadi masipato ka tona nipokio nu Alatala majadi todeaNa. Kami merapi Alatala mombatulungi komiu ante kuasaNa ala pura-pura niamiu movia anu nabelo majadi mpuu, bo pura-pura pokarajaa nipoviamiu sabana pomparasayamiu rapapolamiu sampe maupu.

2 Tesalonika 1:11 ပူးပေါင်းရင်းမြစ်များ

Markus 4:28

Tana mbotomo mompakatuvu pae haitu. Pamulana nesuvu kadana. Naupu haitu novua pae, bo kaupuna naisimo pae.

Lukas 12:32

I Yesus nompapola tesaNa ivei: “Nau ledo nadea komiu anaguruKu, nee maeka, sabana komiu nipelisi nTuamamiu Alatala, lako ri kabelo raraNa ala komiu moparenta mosanggani-nggani nte Ia riara poparentaNa.

Roma 1:9

Nisani nu Alatala yaku nasaro nosambaya ka komiu. Yaku batena ante rara mpuu-mpuu nombatui pokarajaa nidekei nu Alatala ka yaku, haitumo nompatolele Kareba nu AnaNa.

Roma 11:29

Apa ane Alatala nompelisi bo nombadekei belo ka tona, ledo rabalikiNa anu nipoviaNa haitu.

Roma 15:14

Sampesuvu-sampesuvuku, nisaniku mboto komiu batena nokainggu nabelo nte tona ntanina, bo nisanimiumo pura-pura anu masipato rapoviamiu, bo nipakulemiu mosipakaroso rara.

Roma 8:30

Bo kita anu nipakatantuNa lako ri lamba pamulana haitu, nipokioNa majadi todeaNa. Bo kita anu nipokioNa majadi todeaNa, nirekeNa nanoa ri panggitaNa. Bo kita anu nirekeNa nanoa, radekeiNa bagia ri kakuasaNa bo kaogeNa mboto.

1 Korintus 1:8

Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

Efesus 1:16

yaku nasaro nosukuru nte Alatala sabana katuvumiu nabelo haitu, bo yaku bate-batena nosambaya ka komiu.

Efesus 1:5

Lako ri lamba pamulana Ia nompakatantu manganggataka kita majadi ana-anaNa sabana Ia nompotove kita. Kita najadi ana-anaNa lako ri kamate i Yesus Kristus, sabana haitumo nia bo dota nu Alatala mami lako ri pamulana.

Efesus 1:9

Alatala nompopaisani ka kita niaNa anu dopa nisani nu manusia bara ipia. Nangoseaka dotaNa mboto, Alatala nompakatantu lako ri nggauluname ala niaNa haitu rapakadupa i Kristus

Filipi 1:6

Alatala mbotomo nompamula novia anu nabelo riara ntaimiu. Bo niparasayaku poviaNa haitu rapakapolaNa sampe maupu, ri tempo kakava i Yesus Kristus mpanjili.

Filipi 2:13

Apa Alatala mbotomo nokarajaa riara ntaimiu nombadekei ka komiu dota rara bo pompakule mangoseaka dotaNa.

Filipi 3:14

Yaku mpo topangova anu ledo neili nompeinta anu ri puri tapi nangova nompetoto anu raalana. Yaku nompasimbuku njuu mangoseaka i Kristus, ala kukava hadia padagi radekei nu Alatala ka yaku ri suruga, haitumo, nipokiokaNa kita matuvu mosangu rara nte i Yesus Kristus ri suruga sampe ri kasae-saena.

2 Tesalonika 1:5

Jadi, lako ri karoo nu pomparasayamiu haitu, nisanita Alatala mpuu-mpuu nanoa nombatangara manusia. Komiu nombatidamaka riara kasusa bo kapari anu nambela komiu sabana pangoseakamiu Alatala, bo ivesiamo Alatala nompopakita komiu mpuu-mpuu masipato majadi todea ri PoparentaNa.

2 Tesalonika 2:14

Alatala nompokio komiu majadi todeaNa lako ri Kareba Belo anu nipatolele kami ka komiu. PatujuNa ala komiu manggava bagia riara kuasa bo kaoge nTuputa Yesus Kristus.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

Pompakita 3:4

Tapi da nariapa nte komiu ri ngata Sardis bara sako-ndua tona nombajagai pakeara sampe ledo natapa. Iramo anu mamala molipa mosanggani-nggani ante Yaku mopakea mputi, sabana iramo anu masipato molipa ante Yaku.

Pompakita 5:10

Ira nipajadiMiu magau bo topanggeni pesomba anu nanggeni pesomba ka Tuputa Alatala. Bo ira moparenta mpo magau ri dunia hitu.”