2 Petrus 3:9 - Kaili Ledo

⁹ Nadea tona nanguli i Pue nokalera nompakadupa pojanjiNa makava mpanjili ri dunia. Tapi Ia ledo nokalera. Ia dopa nakava sabana Ia nosabara nte komiu, Ia madota ala ledo maria saitoa tona rahuku sampe ri kasae-saena. DotaNa, ala pura-pura tona manggava loga majea lako ri dosara.

2 Petrus 3:9 ပူးပေါင်းရင်းမြစ်များ

Roma 13:11

Poviamo pura-pura haitu, apa nisanimiu sii-sii temponamo kita membangu lako ri paturuta bo mainga. Kita kana mainga sabana kakava i Kristus mompakasalama kita naparapa sii-sii pade tempo kita pamulana nomparasaya Ia.

Roma 13:12

Nasaemo bongina, naparamo maeo. Jadi sia sampe kita kana mombakabasaka pokainggu nadaa nipovia ntona natuvu ri kalandana, bo mompake pareva posieva anu masipato ka tona natuvu riara karemena.

Roma 2:4

Alatala mpuu-mpuu nabelo raraNa, Ia nosabara, bo ledo nasalisa nombahuku dosa-dosamiu. Tapi nipandaentemiu kabelo raraNa. Ledo nisanimiu? Alatala nabelo nte komiu sabana Ia madota komiu majea lako ri dosamiu.

Roma 9:22

Ivesia muni ante Alatala. Ia nakuasa movia nuapa-nuapa nipodotaNa nte kita manusia. Ia nasadia mombahuku tona nadaa bo mompopakita kuasaNa. Tapi Ia nosabara nte tona anu nompakarau Ia bo masipato rahuku sampe ri kasae-saena.

1 Timotius 1:16

Tapi haitumo sabana Alatala nompoasi yaku. NipoasiNa yaku ala i Yesus Kristus mompopakita posabaraNa anu ledo naupu-upu riara nggatuvuku. Jadi yaku, tona nadosapa pade pura-pura tona ntanina, najadi jonjo ka tona ntanina ngena, ala ira muni momparasaya Ia bo manggava katuvua nabelo sampe ri kasae-saena.

1 Timotius 2:4

Ia madota ala pura-pura tona rapakasalama bo mangisani pepatuduki nakana,

Ibrani 10:37

Sabana riara Buku Gasa nitulisi ivei: “Domo ntoto masae, Ia anu makava haitu, makava mpuumo. Ia ledo mombasoro-soro kakavaNa haitu.

1 Petrus 3:20

haitumo nyawa ntona anu ledo natundu nte Alatala tempo Nabi Nuh nggaulu. Tempo Nabi Nuh da novia kapala, naoge mpuu posabara nu Alatala mompopea ira majea lako ri dosa-dosara. Tapi tempo uve nanggabuntu nompakalodo isi dunia, aga uvalu tona nesavi kapala haitu. Bo kapala haitu noliu ri uve oge sampe ira uvalu nipakasalama.

2 Petrus 1:4

Ivesia muni Alatala nombadekei ka kita pedekei-pedekei nijanjiNa, anu nabelo mpuu bo nelabi noguna. Ane rapaketa pedekei-pedekei haitu, domo raoseakata dota rarata nadaa ri dunia hitu anu nompakagero katuvu manusia, bo rapakuleta mompasiala inggu nu Alatala mboto.

2 Petrus 3:15

Toramo, posabara nTupu nombadekei loga ka manusia rapakasalama. Ivesia muni nitulisi nu sampesuvuta i Paulus nipotoveta. Surana haitu nitulisina nangoseaka noto nidekei nu Alatala ka ia.

Pompakita 2:21

NidekeiKumo loga ka ia majea lako ri pokaingguna nadaa haitu, tapi ia ledo ntoto nadota majea.