2 Petrus 3:18 - Kaili Ledo

¹⁸ Tapi komiu kana mantambai mosisani belo ante Tuputa Yesus Kristus, Topepakasalama, bo mantambai mombarasai kabelo raraNa riara nggatuvumiu. Iamo masipato ratoiyata bo rabilata, sii-sii bo sampe ri kasae-saena. Amin. Tabe lako nte yaku, Petrus

2 Petrus 3:18 ပူးပေါင်းရင်းမြစ်များ

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Yohanes 17:3

Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Roma 11:36

Apa pura-pura anu naria, nopuna lako nte Alatala bo natuvu lako ri kuasaNa bo Iamo Tupuna. Iamo masipato ratoiyata bo rabilata sampe ri kasae-saena! Amin!

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

Efesus 4:15

Tapi kita kana mpuu-mpuu matuvu mangoseaka pepatuduki nakana bo kita kana mosimpotove. Ivesiamo mantambai karoso pomparasayata bo mantambai kanotota sampe kita majadi nasimbayu nte i Kristus. I Kristus haitu, nirapaka Balenggata

Filipi 3:8

Ledo aga haitu, tapi pura-pura nirekeku ledo ria gunana ane rapoposisala ante anu nelabi kabelona, haitumo nosisani ante Tupuku i Yesus Kristus. Jadi nikabasakakumo pura-pura bo nirekeku mpo rumpu ala yaku mamala mosisani ante i Yesus Kristus

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.

Kolose 3:10

bo nitarimatamo katuvu nabaru. Kita nipajadi nu Alatala manusia nabaru bo Ia bate-batena nombabaliki ingguta majadi masimbayu nte ingguNa mboto. PatujuNa ala kita mpuu-mpuu mosisani belo ante Ia.

2 Tesalonika 1:3

Sampesuvu-sampesuvu, kami kana masaro motarima kasi nte Alatala sabana komiu. Kami masipato motarima kasi sabana pomparasayamiu nte i Yesus nantambai karosona, bo nantambai posimpotovemiu.

2 Timotius 4:18

Bo niparasayaku i Pue bate-batena mombakabasaka yaku lako ri pura-pura anu nadaa bo manggeni yaku ante masalama mesua ri PoparentaNa ri suruga. Ia masipato rabila bo ratoiya sampe ri kasae-saena! Amin.

1 Petrus 2:2

Ngana kodi dako nesuvu naino rarana nantomi uve njusu ntinana. Ivesia muni komiu kana maino rara mangepe Tesa nu Alatala anu najadi kandea nagasa ka nyawamiu. Ivesiamo posisanimiu nte Alatala mantambai maroso, sampe ratarimamiu pura-pura belo nipakasadiaNa ka tona nipakasalamaNa.

2 Petrus 1:11

bo Alatala mboto mantarima komiu ante mabelo riara Poparenta anu naroo sampe ri kasae-saena, haitumo Poparenta nTuputa Yesus Kristus, Topompakasalama kita.

2 Petrus 1:2

Kuperapi Alatala bate-batena mombadekei katinonto bo belo ka komiu, sabana komiu nosisani belo ante Ia bo ante Tuputa Yesus.

2 Petrus 1:3

Alatala nompake barakaNa mboto mombadekei pura-pura niparaluuta ala rapakuleta matuvu mangoseaka dotaNa. Nitarimata pura-pura haitu sabana kita nosisani ante Alatala, anu nompokio kita mombarasai kaogeNa bo kabeloNa.

2 Petrus 1:8

Ane komiu noinggu ivehaitu bo mantambaipa, posisanimiu ante Tuputa Yesus Kristus mpuu-mpuu maria gunana, bo maria asele mabelo riara nggatuvumiu.

2 Petrus 2:20

Mandasa mpuumo ira! Apa bara ipia ira mpuu-mpuu nosisani nte Tuputa Yesus, Topompakasalama kita, sampe ira nikabasakamo lako ri pokainggu nadaa anu nompakagero manusia ri dunia hitu. Tapi naupu sia, ira nipemala bo nikuasai nu pokainggu-pokainggu nadaa haitu mpanjili. Kaupuna, nelabipa kandasa katuvura pade ri pamulana.

Yudas 1:25

Aga Ia saito-itoNa Alatala. Iamo nompakasalama kita sabana anu nipovia nTuputa Yesus Kristus. Jadi ratoiyatamo Ia, apa Iamo Alatala anu nelabi kaogeNa, Magau nipokumaaka. Iamo nabaraka bo nakuasa lako ri lamba pamulana, sampe sii-sii, bo sampe ri kasae-saena! Amin! Tabe lako nte yaku, Yudas

Pompakita 1:6

Kita nipajadiNa todea riara poparentaNa, kita nipajadiNa topanggeni pesomba anu manggeni pesomba ka TuamaNa Alatala. Masipato i Yesus ratoiya bo rabila, bo masipato Ia momparenta sampe ri kasae-saena! Amin!