2 Petrus 3:14 - Kaili Ledo

¹⁴ Sampesuvu-sampesuvu nipotoveku, komiu nompopea kajadia-kajadia haitu, jadi pasimbukumo ala pokainggumiu mabelo bo ledo maria anu rasalai atau mepakaeya ri panggita nu Alatala. Bo pasimbukumo matuvu mosinggabelo ante Ia.

2 Petrus 3:14 ပူးပေါင်းရင်းမြစ်များ

Matius 24:26

Jadi ane maria tona manguli ka komiu, ‘Peintamo! Magau Topepakasalama naria hamai ri karava bai,’ nee hau! Ane raulira, ‘Peintamo! Ritu rabanuamo Ia,’ nee raparasayamiu tesara!

Matius 25:7

Nangepe haitu, kaliu-liu nembangumo sapulu randaa haitu bo simbo nompakasadia poindona.

Lukas 12:43

Mabelo mpuu batua haitu ane tempo madikana manjili, nipovianamo bago niparasaya ka ia.

Lukas 2:29

“Pue, nadupamo pojanjiMiu. Sii-sii yaku, batuaMiu hitu, mamala mamate masana,

1 Korintus 1:8

Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

Filipi 1:10

Ane ivesia komiu, rasanimiu mompelisi anu nabelopa rapoviamiu, bo katuvumiu majadi magasa bo ledo maria salamiu sampe i Kristus makava mpanjili.

Filipi 2:15

ala malanto ka pura-pura tona komiu ana-ana nu Alatala nabelo, anu ledo rasalai ntona. Komiu natuvu nanoa ri tatanga manusia natenggo bo nadaa nasimbayu mpo betue-betue nombavanta kalandana.

Filipi 3:20

Tapi ledo ivesia pokaingguta, sabana kita todea nu suruga. Bo lako ri suruga muni makava Tuputa i Yesus Kristus, Topepakasalama anu nipopeata ante lentora nu rarata.

1 Tesalonika 3:13

Kami merapi Alatala mompakaroso raramiu ala komiu magasa bo ledo makura nuapa-nuapa ri ngayo nTuamata Alatala tempo Tuputa i Yesus makava ante pura-pura todeaNa anu nagasa.

1 Tesalonika 5:23

Kuperapi nte Alatala, topombadekei katuvua nabelo ka kita, ala Ia mboto mompakagasa katuvumiu sampe komiu mpuu-mpuu matuvu mpo todeaNa nagasa. Kuperapi Alatala mombajagai karomiu, rara ntaimiu, bo pekirimiu sampe ledo ntoto maria nuapa-nuapa rasalai tempo Tuputa Yesus Kristus makava mpanjili.

1 Timotius 6:14

Oseaka puramo parenta hitu ante mpuu-mpuu raramu bo ante pokainggu anu ledo masipato rasalai ntona, sampe makava mpanjili Tuputa i Yesus Kristus.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

Yakobus 1:27

Tapi poagama nakana, anu ledo rasalai nTuamata Alatala, haitumo nantulungi ngana-ngana pailu bo timbala-timbala nasusa, bo nombajagai karo mboto ala ledo mangoseaka pokainggu nadaa nipovia ntona anu ledo nosisani nte Alatala.

1 Petrus 1:7

Patuju nu pesori-pesori haitu ala rasani kaliangu pomparasayamiu. Bulava nigonu ante apu ala rasani bara maria galona bara ledo. Pomparasayamiu noalipa pade bulava anu namala magero. Jadi pomparasayamiu kana rapesori muni ante mpengaya pesori. Bo ane pomparasayamiu mpuu-mpuu maliangu, komiu ratoiya bo rabila bo rapakaoge tempo i Yesus Kristus makava mpanjili ri dunia.

2 Petrus 3:1

Sampesuvu-sampesuvu nipotoveku, hitumo suraku karanduana ka komiu. Riara suraku karanduana hitu muni yaku nompasimbuku mompopatora ka komiu pepatuduki nakana ala pekirimiu batena magasa.

2 Petrus 3:16

Ri pura-pura surana, pepatudukina nasimbayu nte anu nitulisiku ri bavona. Naria muni sanu tesana nakaja sakide rapaha. Tesana haitu nabiasa nitenggoaka ntona ledo natau bo tona ledo naroso pomparasayara. Ivesia muni nitenggoakara isi ntanina lako ri Buku Gasa. Tapi ira kana rahuku nu Alatala sabana pokainggura haitu.

1 Yohanes 3:3

Isema-sema manjarumaka majadi masimbayu mpo i Kristus, ia kana mombajagai pokaingguna ala katuvuna mpuu-mpuu magasa masimbayu mpo katuvu i Kristus.